Svb trahado casino.JPG

Mediador di Gobierno, sr. Anselmo Pontilius  a declara na Bon Dia Aruba cu otro factor relaciona cu e situacion di e trahadonan di Aura Casino tin di haber cu e Banco di Seguro Social (SVb) ta den e proceso final pa paga e trahadonan nan añanan di servicio.

Pa algun trahadonan e proceso aki no ta resulta positivo ya cu poco placa nan ta bay haya na man pa motibo di añanan di servicio. Pero –segun Mediador di Gobierno- pa e mayoria di e 44 trahadonan si ta un alivio, ya cu nan ta bay haya un entrada pa atende nan compromisonan despues di lunanan sin entrada despues cu e casino a cera su porta.

Añanan di servicio

Otro punto tin di haber si e grupo Canades nobo interesa pa opera Aura Casino lo ta dispuesto pa reconoce e añanan di servicio di e trahadonan. Sr. Pontilius a splica cu e echo cu SVb ta bay paga e trahadonan “esaki no kiermen cu nan ta perde nan añanan di servicio”.

E asunto di aña di servicio di e trahadonan ta un punto cu den e reunion di otro siman cu tur e autornan envolvi den e proceso di negociacion aki, lo mester bin ariba mesa. E ta spera cu e no bira un punto di discusion, y cu e compania ta reconoce tambe e añanan di servicio di e trahadonan, ya cu e ta un balor hopi importante pa e trahadonan y nan condicion di trabou.

El a bisa cu e Contacto Colectivo (CAO) ta contempla cierto condicion di trabou pa ehempel bono di fin di aña y cantidad di vakantie, y nan ta basa riba cantidad di añanan di servicio.

Sr. Pontilius a laga sa cu lo unico cu nan sa di e grupo aki ta cu e ta di origen Canades cu experiencia den mundo di casino, ya cu nan tin operacionnan na Merca y na Canada mes.

LEAVE A REPLY

Please enter your comment!
Please enter your name here