Tin un buraco na Anderson, South Carolina. Esaki a habri repentinamente na augustus na momento cu Chadwick Boseman, un di e yiunan faborito di e ciudad y un strea internacional pa su rol como Black Panther, a fayece despues di un bataya silencioso cu cancer cu apenas 43 aƱa di edad.

Dos luna despues, e buraco ey poco poco ta siendo repara pa artistanan local kende a piki nan cuashi pa honra Boseman cu un exhibicion den aire liber na downtown Anderson, un ciudad di alrededor di 28mil persona.

Artista local Joey Whithinarts a cuminsa pinta su observacion di imagen di Boseman apenas algun ora despues di e noticia di su morto. Su imagen ta un di casi 20 exhibi den e proyecto, patrocina pa e ciudad.

E exhibicion, cual a habri pa publico e siman aki, ta conta cu casi binti artista local di South Carolina. E obranan decorando e murayanan di e Wren Pavilion ta ofrece diferente interpretacion di bida di Boseman, for di su aƱanan adolescente te su rol iconico como superheroe.

Hopi di nan ta mustra Boseman bisti como Tā€™Challa, e rey di Wakanda. Otronan ta captura su sonrisa riba tapijt cora, mientras un ta mustra un Boseman hoben ta hunga basketball na T. L. Hanna High School na Anderson. Esey a ser duna na e alcalde y lo keda exhibi na alma mater di Boseman. Organisador di e exhibicion, Herman Keith Jr. ta mira bida di Boseman como un mensahe pa muchanan chikito bibando den pueblonan chikito manera Anderson.

ā€œE impacto cu e tabatin riba mundo biniendo di e mesun luga di unda nos ta bin, bao di algun di e mesun situacion- y condicionnan cu nos ta bao, y pa mira cu el a logra afecta e mundo manera el a haci, tabata hopi alentadorā€, Keith a bisa.

E arte ta exhibi riba print digital pega riba e murayanan di e pavilion. E ciudad ta spera di por tene e exhibicion habri pa sikiera un aƱa.

LEAVE A REPLY

Please enter your comment!
Please enter your name here