E expedicion Inkfish Aruba a completa su investigacion na lama dia 12 di september. For di e plataforma di investigacion RV Hydra, e ekipo internacional a crea un mapa di e awanan rond di Aruba di manera mas detaya cu a yega di mira antes y manera comparti anteriormente, a identifica obhetonan nobo na sitionan cu antes desconoci na costa.
E resultadonan lo keda presenta na maart y april di 2027.
E investigacion aki a dura 3 siman. A scan e blanconan conoci cu sonar multibeam, un tecnica cu ta crea un mapa usando olanan di zonido, asina yama sound wave. Ademas, e investigadornan a haya 9 of mas obheto na e banda west di e isla cu antes no tabata den recordnan.
Aunke e trabao na lama a keda completa, ainda tin hopi trabao pa haci. E expedicion a traha un cantidad grandi di mapa, material fotografico y data cientifico cu awo ta procesa.
Prome test di eDNA na Aruba
Ademas di e mapanan, e inestigadornan a tuma muestra pa investigacion eDNA. eDNA ta DNA ambiental, cual ta haya den material hereditario cu organismonan ta laga atras den awa y a haci grabacion photogrammetrico di cierto naufragio y reef. Segun e organisacion, esaki ta marca e prome biaha cu e tipo di investigacion di eDNA aki a ser haci na Aruba.
E muestranan tin intencion di provee un bista tocante e relacion entre herencia bao awa y e naturalesa marino alrededor.
