Expertonan riba tereno di salud ta reformula AruBIG

Un comision di diferente expertonan riba tereno di salud ta bay reformula e ley di AruBig. Esaki a wordo palabra den un reunion cu minister di Salubridad Publico, Dangui Oduber, segun e relato cu nos a ricibi di su parti.

E comision cu a wordo institui ta consisti di diferente expertonan riba tereno di salud cu tin e tarea pa conseha minister di Salubridad con pa reformula e ley di AruBIG pa por amplia e registracion di BIG, dunando chens na nos studiantenan cu a completa nan estudio den region, Europa y/of Merca pa por traha den nos sistema di cuido pa asina aporta na un miho calidad di cuido pa nos ciudadanonan.

Expertonan den e comision lo duna nan conseho na minister Oduber dentro di un termino di 3 luna. E comision ya menciona tin tambe como tarea pa conseha e minister ariba e miho forma con pa institui e asina yama kwaliteitsinstituut cual lo ta responsabel pa acredita diploma di esunnan trahando den e sector di cuido.

Manera a yega di menciona anteriormente, Corsou ya caba tin e ley aki di BIG adapta na e situacion di studiantenan cu a finalisa nan studio den exterior. Minister Oduber ta compromete su mes na sigui informa nos pueblo di e progreso di diferente puntonan di accion riba agenda pa cu mehoracion di nos calidad di cuido medico, e relato ta clausura.

 

 

 

You May Also Like

piedra plat caso .jpg

Dama Chines ta bisa a hinca Fingal mata pa defende su mes

Despues cu polis a caba cu e integoracion di e dama Chines den e ...

mervin.jpg

Drs. Mervin Wyatt Ras presidente nobo di Parlamento di Aruba

Dunando inicio na un aña Parlamentario nobo e siman aki,  dialuna mainta  a tuma ...

Mas cu 150 ciclista den accion pa mas siguridad riba caya

Ayera un grupo di mas cu 150  ciclista a tene un accion pa mas ...

Permisonan firma liber ta keda valido en caso cu bay studia afo

Hefe di seccion comunicacion di Dimas, Lilian Lampe a aclara e situacion di proyecto ...

IMG_0494.JPG

Ritz Carlton ta host Indulgence Aruba

Ritz Carlton su executive chef Stephen Toevs a tene un conferencia pa prensa pa anuncia pa ...

23Mrt, JO, BubaliPlas.jpg

Rosamento na Bubali Plas ta lagando hopi pregunta habri

Tin potretnan y discusion andando pa basta dia caba pa locual ta caso di ...