FILE - In this file photo dated Sunday, Sept. 6, 2020, the Jaguar car company logo shines off the deck of an I-Pace electric vehicle at a Jaguar dealership, in Littleton, USA. Struggling luxury car brand Jaguar will be fully electric by 2025, the British company said Monday Feb. 15, 2021, as it outlined a plan to phase out internal combustion engines.(AP Photo/David Zalubowski, FILE)

Marca di auto di luho, Jaguar, lo bira completamente electrico pa aña 2025, segun e compania Britanico a bisa ayera, manera a delina den un plan di etapa pa stop di produci motornan di combustion interno.

Jaguar Land Rover, cual ta propiedad di e conglomerado Indio, Tata Motors, ta spera cu e movida lo yuda reverti e fortuna di e marca Jaguar, di 86 aña di edad, cual pa hopi hende ta epitomisa clase, pero a lucha den añanan recien.

E cambio na un futuro electrico lo involucra move produccion di auto for di fabrica JLR Castle Bromwich, oost di ciudad Ingles di Birmingham, na Solihull.

Hefe ehecutivo Thierry Bollore a bisa cu e compania ta ‘explorando oportunidadnan pa duna proposito nobo’ na e planta Castle Bromwich, conduciendo na speculacion cu lo por us’e pa produccion di bateria.

Jaguar Land Rover tambe a bisa cu e Land Rover, hopi mas rendabel, lo produci su prome modelo completamente electrico na 2024, mientras e tambe ta elimina motornan di combustion interno.

“Nos tin tur ingrediente na nos disposicion pa reimagina e negoshi y e experiencianan cu nos clientenan ta busca, pa reimagina luho”, Bollore a bisa.

Secretario di Transporte Britanico, Grant Shapps a elogia e movida como ‘un stap enorme pa fabrica di auto Britanico’.

E Sociedad di Fabricante y Comerciante di Auto (SMMT), e grupo di industria automobil Britanico, a bisa cu e anuncio ta representa ‘un inyeccion di confiansa’ den e sector, cu a sufri durante ultimo aña pa motibo di e pandemia di coronavirus. “Su roadmap pa un futuro cu ta construi rond di sostenibilidad, cu modelonan electrico y di hidrogeno como tambe inversion den tecnologia conecta y digital, ta alinea cu ambicion di gobierno y aumento di expectativanan di cliente”, segun hefe ehecutivo di SMMT, Mike Hawes.

Sinembargo, el a bisa cu Reino Uni mester mehora su competitividad mirando e competencia global ‘feroz’ andando den e cambio na autonan electrico, principalmente manera Tesla.

“Gobierno mester sigura cu fabricacion avansa tin su sosten completo, cu un marco di politica y plan di crecemento cu ta reduci costo, acelera produccion di bateria domestico y cadena di suministro electrico, y ta incentiva R&D y desaroyo di habilidadnan”, el a bisa.