Facebook a despedi persona cu a lek informacion di prehuicio

CALIFORNIA (The Verge) – Facebook ta bisa cu el a despedi un contratista kende a traha cu e grupo derechista Project Veritas riba un ‘stunt’, mientras e grupo awe a publica screenshot di combersacion interno di Facebook.

E reporte di Veritas ta inclui 60 pagina di documento y un video, cu ta mustra confrontacionnan riba caya cu empleadonan di Facebook. E documentonan, duna pa un ex- contratista di Facebook cu awo ta traha cu Veritas, ta inclui screenshot di discusionnan di empleadonan di Facebook tocante moderacion, como tambe un presentacion interno discutiendo un campaña di troll racista.

Segun e fundado di Project Veritas, James O’Keefe, kende ta papia den e video, e practicanan di Facebook pa limita acoso y lenguahe di odio ta diseña pa dal mas duro riba gruponan derechista. “Ta obvio cu Facebook ta enfocando riba e lenguahe di e derecha”, e ta bisa e audiencia. Pero e documentonan a sugeri un enfoke cera riba e actuacion di actornan specifico, na luga di un politica contra usuarionan conservador.

Facebook a bisa cu e video ta duna un imagen falso di e politicanan interno di Facebook. “Nos a despedi e persona aki un aña pasa, pa motibo di a viola varios politicanan di empleo y a uza su rol como contratista na Facebook pa haci un stunt pa Project Veritas”, un vocero a bisa The Verge. “No ta sorpresa cu e declaracionnan cu e ta haci ta valida su agenda, y ta ignora e procesonan cu nos tin pa sigura Facebook ta keda un plataforma pa duna hende un bos, sin importa ideologia politico.”

Segun e video di Veritas, e fuente tabata emplea na Facebook como un analista di contenido, manehando kehonan di copyright y trademark. Hopi di e material publica a wordo colecta pa curiosidad, y no tabata relaciona directamente na su responsabilidadnan profesional.

E video specificamente ta enfoca riba un tag di moderacion yama ‘ActionDeboostLiveDistribution’, cual e fuente ta kere tabata aplica na videonan conservador pa motibonan ideologico. Pero Facebook ta bisa cu e tag tin un nificacion mas obvio. Cuminsando na 2016, Facebook a duna un boost significativo na videonan live como un forma pa curasha usuarionan pa transmiti en bibo. Algun pagina a purba di uza e sistema door di upload videonan pre- graba mediante e API en bibo, un violacion di politicanan di Facebook. Si moderadonan haya un video asina, e tag di ‘ActionDeboostLiveDistribution’ lo wordo aplica pa elimina e boost.

O’Keefe tin un historia di edita pa malinforma, incluyendo videonan di empleadonan ACORN y NPR cual gruponan di vigilancia a bisa no ta un representacion berdadero. Na 2010, O’Keefe a wordo aresta, hunto cu tres complice, pa intento di drenta den un edificio federal, disfrasa di reparadonan di telefon. El a wordo sentencia na tres aña di prueba y 100 ora di servicio comunitario.

E reporte nobo ta cay den e esfera di miedo conservado tocante prehuicio den plataformanan tecnologico, cual varios biaha a ser impulsa pa presidente Donald Trump. E miedo ey a alcansa un cumbre aña pasa cu un audiencia hudiciario straño tocante prehuicio riba rednan social, enfoca riba e supuesto esfuersonan di Facebook pa limita e alcance di personalidadnan di television, Diamond & Silk. Na july, Twitter tambe a enfrenta un panico similar tocante ‘shadow banning’ di cuentanan conservado den e buskeda di usuario.

 

You May Also Like

Servicionan di WhatsApp ta cay rond mundo

Usuarionan no por ricibi ni manda mensahe, un fayo den e servicio a afecta ...

CQfYZHCUkAErDdv.jpg

Prisoneronan ta gana studiantenan di Harvard den debate

Ta parce cu “street smart” ta gana “book smart” ora ta yega na un debate.  ...

c.jpg

Playboy Magazine lo stop di publica potret sunu

LOS ANGELES – E famoso revista conoci pa ilustra imagennan di muhenan completamente sunu a ...

Un persona a muri den explosion di trein

NIJMEGEN – A registra un morto den un explosion cu a tuma luga den ...

Scolnan cera pa motibo di muhe cu arma

Scolnan publico tabata cera ayera, pa autoridadnan busca un mucha muhe di Florida cu ...

Maduro a exigi na Vice – Presidente Colombiano pa mustra arepentimento pa declaracion di xenofobia

Diadomingo cu a pasa Presidente di Republica di Venezuela, Nicolas Maduro Moros a solicita ...