Facebook a admiti cu tin por lo menos 270 miyon profile accounts cu ta falso of duplica, un number cu ta hopi mas grandi di locual cu nan a pensa e lo ta. Esaki kiermeen cu 10% di e 2.07 biyon di usuarionan ta considera falso of cuentanan duplica y ta un number cu ta sigui crece. Facebook a bisa cu desaroyonan nobo den e data uza pa identifica cuentanan falso mas bien tabata tras di e crecemento aki.

E anuncio aki lo por trece mas duda den Facebook, kende ta bao presion caba pa revela con noticia falso y propaganda politico por a afecta eleccionnan Mericano aña pasa. E noticia ta bin despues cu Facebook a declara na Senate Judiciary Committee diamars cu un grupo Rusiano a post mas cu 80,000 biaha riba nan servicio durante y despues di e eleccion di 2016, potencialmente cu un reach di 126 miyon di usuario.

Twitter tambe a bisa e comision huridico aki cu nan a descubri y elimina 2752 cuentanan liga na e mesun grupo, un agencia di research di internet na Rusia,  cual ta conoci pa promove posicionnan ‘pro gobierno Rusiano’.

Fuente: NEWS.AU