(AP) – E caida global cu a causa cu Facebook y otro plataformanan a keda offline pa varios ora tabata causa pa un eror durante mantenemento di rutina segun e compania.

Santosh Janardhan, Facebook su vice presidente di infrastructura, a bisa den un publicacion cu Facebook, Instagram y Whatsapp su caida tabata causa “no pa actividad cu intento malicioso sino pa un eror di nos mesun parti.”

E problema a surgi na momento cu e ingenieronan tabata eherciendo nan trabao diario riba Facebook su red global, e computernan, router y programanan den su centronan di dato den henter mundo, y e kabelnan cu ta conecta nan.

“Durante un di e trabaonan aki di mantenemento, un orden a ser duna cu e intencion di revisa e disponibilidad di e capacidad global, cual accidentalmente a baha tur e conexionnan den nos red, efectivamente desconectando Facebook su centronan di data globalmente,” Janardhan a bisa riba diamars.

Facebook su sistemanan ta diseña pa captura erornan manera esaki, pero den e caso aki, un fayo den e herment pa preveni esaki, a causa cu e orden a ehecuta toch, Janardhan a bisa.

E cambio aki tambe a causa un di dos problema, cual a haci e situacion mas critico, haciendo e imposibel pa yega na Facebook su rednan aunke nan tabata operando.

Ingenieronan a cuminsa traha pa drecha e problema na e sitio, pero esaki a tuma tempo pa causa di e varios metodo di siguridad implementa, Janardhan a conta. E centronan di data “hopi dificil pa drenta, y na momento cu bo logra drenta, nan ta diseña pa haci e trabao dificil pa modifica nan te hasta si bo tin acceso fisico na nan.”

Na momento cu e conectividad a keda restaura, e servicionan a cuminsa bini back poco poco pa evita cu e trafico riba e rednan bira asina abrumante cu e causa un caida atrobe den e rednan y centronan di dato.

“E tabata un situacion inespera a causa di mantenemento cu no a bay manera mester ta, cual tabata necesario pa por actualisa Facebook su rednan manera ta custumber di haci diariamente, pero e compania probablemente por a evita un situacion asina den cual su rednan a keda offline completamente, haciendo e imposibel pa yega na e hermentnan necesario pa por drecha esaki”, Angelique Medina a expresa, di Cisco System’s ThousandEyes, un compania cu ta monitoria caidanan di internet.

“E pregunta ta, dicon tanto herment interno y sistema por tin un solo fuente di fayo,” Medina a bisa. “Facebook lo a cay pa causa di e caida di e rednan, pero nan lo por a resolve esaki hopi mas lihe si nan lo tabatin acceso interno.”

LEAVE A REPLY

Please enter your comment!
Please enter your name here