(TMZ) – Facebook ta saliendo den defensa di e cantante popular Lizzo, ken ta ricibiendo hopi comentarionan negative riba di e plataformanan cu ta cay bao di e red social Facebook, y te hasta desactivando varios cuenta di e usuarionan cu ta laga e tipo di comentarionan aki bao di e cantante su publicacionnan.

Fuente di Facebook ta conta TMZ cu e compañía ya a kita varios comentario negativo cu a ser poni bao di Lizzo su publicacionnan reciente tanto na Facebook mes como na e red social Intagram, y Facebook ta bisa c unan lo sigui e proceso aki di revisa e contenidonan publica y e comentarionan c uta ser laga bao di nan, specificamente e comentarionan negativo di un manera mas constant.

Anteriormente, den reportahenan pa diferente medionan di noticia, a ser report acu Lizzo a colapsa den video cu el a publica online durante weekend, unda cu e tabata yorando pa causa di e mesun comentarionan negativo cu e ta ricibiendo. Mayoria di e comentarionan aki ta papia den un manera negativo tocante su peso, atacando su físico te hasta e color di su cuero. Lizzo a expresa cu el a ripara cu mayoría di e hendenan aki ta purbando di haci tur lo posibel pa por publica e comentarionan aki y sigura cu el lo wak esakinan. E cantante a conta den e video, entre lagrima, cu e comentarionan aki a cuminsa afecta su persona, y e no por comprende dicon tur e hendenan aki ta sinti e necesidad di laga comentarionan di e tipo aki bao di su publicacionnan.

E fuentenan di Facebook tambe a conta TMZ cu nan ta revisando tur e cuentanan y e comentarionan laga, pa tuma e acción di kita tur e cuentanan di usuarionan cu ta sigui kibra e reglanan di e comunidad di Facebok, y ta practica acoso, lenguahe di odio y online bullying, lagando tur hende y usuario s acu e perosnanan cu purba laga comentarionan negativo riba publicacionnan di e cantante, y cualkier otro persona, lo mester sufri e consecuencianan, cu por caba na terminación di nan cuenta.

E celebridad popular Cardi B ya a expresa apoyo pa Lizoz, defendiendo su persona públicamente riba rednan social, y awo Facebook tambe ta demostrando apoyo na Lizzo.

LEAVE A REPLY

Please enter your comment!
Please enter your name here