Update: E persona ta Alex Rojas-Paz. Lesa mas aki.
Famia di e doño di e auto haya cu un curpa kima den bahul, a reclama na polis cu nan ser keri ta perdi desde 31 di december. Riba e dia ey e auto a keda descubri na Franse Pas. Na prome instancia tabatin confusion pasobra den prensa a sali cu e auto tabata blanco, enbes di blauw. Tambe e number no tabata cuadra. Aparentemente a cambia number pa uno registra riba nomber di un habitante di San Nicolas.E doño di e auto (homber) te awe no a presenta su mes.
Polis ta bisa awe mainta cu e identidad di e homber haya kima den e bahul no ta conoci ainda. E curpa ta na Hulanda pa investigacion. Pues aworaki no por conclui cu ta trata di e doño di e auto perdi.
Polis lo publica su nomber awe pa asina pidi comunidad pa yuda localisa e homber.
