Polis a ricibi un melding 9.30 awe mainta cu tin un curpa di un homber, probablemente kima na veld di Playa Pabou.
Vocero Liliana Rasmijn ta bisa Bon Dia 24 cu e curpa a wordo haya patras di un edificio den construccion na Luxenburgstraat. E caso aworaki ta den man di recherche di playa. Aworaki te ainda e Departamento Forensico ta na e sitio investigando y te awo no por a determina e identidad di e persona. Dokter Ling a constata morto di e persona, pa mas o menos 11.15. Cuerpo policial ta pidi pa cualkier testigo yama tiplijn di polis 11141.
Tin pregunta den comunidad awor si e caso aki tin relacion cu esun di Alex Rojas-Paz (37). Nan a haya su curpa kima den bahul di auto riba 31 di december aña pasa. Polis ainda ta investigando su morto.
