Fanatico a muri na Argentina despues di ser lansa di un tribuna

Dialuna un aficionado di ekipo di Belgrano di Cordoba a muri, despues cu otro simpatisantenan di e ekipo ey, a push’e y el a cay di cabes di un tribuna, caminda e tabata wak e wega di fin di siman contra Talleres, otro ekipo di Argentina y cu ta e rival clasico di Belgrano, asina e club y e tata di e hoben a  informa.

E victima conoci como Emanuel Baldo, a haya golpi di varios homber riba tribuna cu tabata yena cu fanatico di Belgrano. Fanatico di Belgrano a acusa Baldo di ta un seguido encubri di ekipo Talleres, cu a purba di huy saltando di e tribuna, su tata a conta.

Imagen di television a mustra con otro fanatico di Belgrano a pusha y e hoben a cay di cabes di e tribuna, y a sufri un lesion severo riba su craneo.  Su tata a denuncia responsabilidad di otro hoben den e suceso, cu a bringa cu su yiu, despues cu Emanuel a reconoce cu e persona tabata e mesun  cu  a dal su ruman cu auto como cuatro aña pasa. E informacion a ser  publica riba varios medio di comunicacion.  

Belgrano a empata 1-1 cu Talleres y ta den tabla cerca di ultimo posicion, segun informacion di un comunicado.

Ta un dia hopi tristo pa henter famia celeste, Belgrano ta haci un yamado pa reflexion y trankilidad den su comunidad, y ta solicita involucramento institucional pa asina haya husticia pa Emanuel,” e comunicado di e club a bisa.

 

You May Also Like

Hulandes ta suministra municion pa organisacion terorista

DEN HAAG –  Un Hulandes naci na Corsou a ser condena na Rotterdam pa ...

Brasil: Impulso nobo na institucion Ombudsman pa combati corupcion

E presidente di Banco Nacional di Desaroyo Economico y Social (BNDES), Paulo Rabello de ...

Situacion grave entre pacientnan di epilepsia na Venezuela

(ElNacional) – Caracas – Na Venezuela por lo menos 60% di e pashentnan di ...

Otro periodista na Mexico asesina pa reporta riba narco

Narco-violencia a bolbe costa bida di un periodista na Mexico. Javier Valdez, periodista di ...

Muhe a sobrevivi un avalancha na Peru

Un muhe di 32 aña a sobrevivi un avalancha di lodo cu a lastr’e hunto ...

A Rechasa medida hudicial den caso di funcionario di Bolivia

Corte supremo di husticia di Chile a rechasa e medida di amparo cu e ...