Presidente di Merca Donald Trump a anuncia cu otro siman caba por tin un reemplasante pa e director di FBI recientemente retira James Comey. El a bisa periodistanan cu e ta “posibel” pa e anuncia un persona pa diabierna, prome cu e bay pa un viahe pa exterior. Abogado di defensa Alice Fisher ta e prome candidato cu a wordo entrevista door di departamento di husticia. Director suplente di FBI Andrew McCabe y dos otronan tambe ta spera di reuni cu Attorney General Jeff Sessions y su deputado Rod Rosenstein diasabra. Tin como 11 hende cu ta wordo considera pa e posicion cual segun Trump ta candidatonan “hopi bon conoci” y capacita.
