(AFP) – Un fighter jet F-35 Mericano a cay diabierna cerca di un base militar na San Diego, pero e piloto logra sali di e avion prome cu impacto, oficialnan a bisa.
“Tabatin un accidente di aviacion involucrando un F-35B di Cuerpo di Marinier den cercania” di Marine Corps Air Station Miramar, pa alrededor di 10am, un vocero di e base a bisa AFP.
“E piloto a keda expulsa [for di e avion] y a keda recupera y ta na caminda pa un facilidad medico.”
E vocero no por a bisa si e piloto a resulta herida den e incidente, of si tabatin otro herido. Pero el a bisa cu ehercito Mericano lo duna mas detaye despues.
Imagennan circula riba rednan social a mustra huma ta sali for di e avion, mientras a desplega bombero pa combati e candela.
MCAS Miramar ta conoci rond mundo como anteriormente e sede di scol “Top Gun” di Marina Mericano pa piloto elite, inmortalisa den e pelicula di 1986 “Top Gun” cu strea Tom Cruise.
