NG Filomena College (12).jpg

Ya un otro aña escolar a na e scolnan na Aruba y un di e actividadnan cu e alumnonan semper ta ansioso pa experiencia, ta e prome actividad unda nan ta haya chens di cera conoci cu tur alumno.

 

E biaha aki e docentenan encarga cu e actividad, a prepara algo diferente. Pa e alumnonan di Ciclo Basico 1, nan a enfrenta un dia diferente, bou guia di fundacion RYG, cu a yuda e mentornan hinca e programa completamente den otro. E alumnonan a haci hiking, unda nan a cuminsa na Telearuba y a termina na e ruina di Franse Pas, unda nan a haya diferente actividad pa haci como team y asina logra surpasa e retonan.

 

Pa loke ta trata CB2, CA1 y CA2, e docentenan mr. Lejuez y mr. Farro a prepara un mainta di caminata di 6.5 km cu su retonan den naturalesa, pa asina e hobennan disfruta di e bunita panorama como tambe nos flora y fauna den Colony y alabes cera conoci un poco mas cu nan compañeronan di klas y scol.

 

E momentonan cu e alumnonan ta comparti den otro ambiente ta di suma importancia y esaki ta loke ta fortalece y mehora nan lasonan como alumno y hoben, cu tin e mesun meta pa termina nan enseñansa secundario cu exito academico y personal.

 

Di e forma aki nos alumnonan di cada klas ta cuminsa nan aña escolar cu hopi positivismo, energia y fe pa logra nan meta. Henter team di Filomena College Mavo ta desea tur su alumnonan di CB1, CB2, CA1 y CA2 hopi exito pa e aña escolar aki y pa completamente dedica y enfoca riba nan prioridad, cu ta nan estudio y futuro.

LEAVE A REPLY

Please enter your comment!
Please enter your name here