Fiscalia a conclui cu e situacion cu tabata obheto di investigacion contra Otto Bula Bula a vence, pasobra e situacion ey a sucede entre aña1998 y 2002.
Fiscalia general a arciva e investigacion cu nan tabata haci contra ex-senador liberal Otto Nicolas Bula, pa un supuesto relacion cu grupo paramilitar. Fiscalia a dicidi cu e caso a vence, pasobra e acontecimentonan a sucede entre 1998 y 2002.
Fiscal 22 di direccion nacional contra terorismo cu ta parti di e Structura di apoyo di Parapolitica, a dicidi finalisa accion penal aki, na beneficio di Bula Bula, pa acusacion cu e lo tabatin creacion di un acuerdo of convenio pa comete delito manera secuestro, crea grupo ilegal entre otro, y cu elemento adicional cu Bula Sabatini pasobra el a ser acusa di duna promocion na grupo paramilitar.
Investigacion contra e ex-senador liberal a cuminsa despues di cu Sala di casacion penal di corte supremo di husticia a manda un acusacion. Bula a ser señala di ta un testaferro (persona cu ta representa otro den situacion di fraude)di senador Mario Uribe Escobar. Escobar a ser condena na siete aña y mey di prizon na aña 2011, despues di declaracion di un ex-comandante paramilitar, Juan Carlos Sierra, miho conoci como “El Tuso”. Den e declaracion ey “El Tuso” a confirma cu Bula tabata e persona di confianza di Mario Uribe Escobar, pasobra e tabata administra negoshi, entre otro agricola, di Escobar.
“E tin un amigo, socio, testaferro .. su nomber ta Otto Bula. Otto Bula ta e persona cu ta administra tur negoshi di animal” El Tuso a confirma. Juan Carlos Sierra a papia tambe di otro negoshi cu ta pertenece na e ex-senador, hunto cu narcotraficante y paramilitar Nicolas Bergonozoli, miho conoci como “Don Julian.”
