Fundacion Rancho a informa cu un biaha mas nan ta contento di por brinda e oportunidad di pasa e proyecto aki na Aruba cu lo dura tres dia y lo tuma luga den nan auditorio na caya Visstraat number 1.
Clifford Rosa a expresa na Bon Dia Aruba cu Arts Connection Foundation, Fundacion Rancho, Oranjestad 200 years 2024 ta presenta Miami New Media Festival cu su edicion number 17 āCivics vs Violenceā di un manera creativo nan ta bay tin tres dia di programa basa riba e informacion artistico cu a wordo crea pa asina ey nan por conscientisa comunidad tambe tocante arte, creacion audiovisual, entre otro.
Bao e coordinacion di Jimmy Yanez ken ta e curator oficial den region di Caribe y ken tambe ta Museografo Internacional ken a duna e oportunidad pa presenta esaki un biaha mas na unda nan como fundacion ta bay haciāe den aire liber y gratuito cu e boluntarionan Myrthe Knip y Robin Prast.
Awe diaranson for di 6.30pm nan ta warda e comunidad pa pasa e peliculanan, igualmente cu maƱan 2 y dia 3 di maart na mesun ora.
Miami New Media Festival ta un plataforma internacional di arte publico cu tin como obhetivo promove e creacion artistico a traves di tecnologia y medionan nobo pa duna un oportunidad y yuda e publico en general compronde e practicanan artistico contemporaneo, promoviendo arte a traves di exploracion di tecnologianan nobo interactivo, como videoarte, animacion, arte digital y mapping interactivo.
Jimmy Yanez ta un Venezolano encarga di e plataforma aki den Caribe na unda cu por medio di e sistema di media por wordo haci hopi cos digitalmente y pa Fundacion Rancho esaki ta e di dos biaha cu nan ta e haya e oportunidad di presenta e proyecto aki.
