E usuarionan di IPhone y IPad di Apple Inc pronto por bolbe hunga bek e wega “fortnite” The epic games traves e servicio di wega di Nvidia Cloud, a informa BBC riba diahuebs.
Nvidia Corp a desaroya un version di su servicio di weganan den e GeForce Cloud cu ta ehecuta den e sitio web mobil di Safari, segun e informe.
Apple no a responde inmediatamente na un solicitud di comentarionan di reuters, mientras cu Epic a nenga di comenta. Nvidia a bisa cu no lo comenta tocante e yegada di clientenan nobo n’e servicio, ni tocante disponibilidad di ningun wega den plataformanan no anuncia of inedita.
Ta spera cu e compania anuncia actualisacionnan di nan servicio GeForce Now na final di e luna aki cu sosten pa IOS di Apple.
E reglanan di Apple ta rekeri cu e companianan di wega den Cloud manda cada titulo di wega den e catologo manera un aplicacion separa pa Apple revise y e aplicacion di e catalogo maestro lo proporciona enlacenan na titulo individual. E rekisito ey ta supone un obstaculo pa e experiencia flui cu e empresanan di wega riba Cloud ta pretende ofrece na su usuarionan.
Microsoft Corp, cu tin un funcion di transmision di weganan riba su suscrito premium di Xbox Game Pass, a critica previamente na Apple door di cierto reglanan.
