Fundacion FEPA ta pa esunnan cu kier un di dos chens den estudio of kier sigui crece. Nan ta ofrece curso y estudio, manera PDG (pedagogisch dictactish getuigschrift) pa esunnan cu kier traha como docente. Tambe FEPA ta reconoci pa gobierno.

Marlon Vrolijk, Director di e fundacion, a amplia riba e tema, caminda e ta splica cu a duna un presentacion na gobierno y Parlamento pa asina tin e permiso legal di gobierno pa haci un PDG.

Sinembargo, Vrolijk ta bisa cu kier mira gobierno cambia e ley di educacion pa adulto, caminda no tin na Aruba actualmente. Si esey cambia, ta duna e posibilidad (manera Corsou y Bonaire) pa haya permiso pa organisa un MBO 1 y 2 cu gobierno ta reconoce, ‘esey lo facilita nos hopi’.

Na principio, FEPA por bay te cu 450 curso. E ta bisa cu nan no por hacie pareu, pero kier trece esey den futuro. “Enseñanza mester bira mescos cu un restaurant, caminda un persona ta drenta y tin diferente cosnan cu por scoge. Cual awo no tin, pasobra ta limita.”

Segun Vrolijk ta splica cu ora a habri e mercado cu un par di curso, por a nota cu tabata enorme ‘e necesidad t’ey’. Tambe ta remarca cu a bin cu prijs cu ta casi menos cu e prijs di Hulanda, Corsou y tur otro caminda.

“Nos ta purba tene prijs abou mas cu tur otro caminda. Esaki ta duna oportunidad na e persona cu a sali for di prizon, tin grupo cu por hay’e por nada cerca nos. Tin persona cu no tin trabou, anto asina tin oportunidad”, Vrolijk ta expresa. Nan tin diferente localidad cu nan ta duna les. FEPA ta uza e localidad di Kibrahacha, mirando cu nan prijs ta barata.

A puntra Vrolijk si estudio ta pa tur hende, hasta esunnan bou di 18 aña di edad. E ta contesta cu solamente ta pa 18+ ‘nos no ta traha cu menor’. “Nos ta djis pa hende grandi pasobra te awo, EPI no tin ley di beroepsonderwijs cu ta trahando, unda cu tur ta cay bou di educacion avansa. Tambe nos ta kere mucha den dia y hoben atardi manera avond mavo.”

E no ta cu nan ta bay kita un mucha di un mavo pa e bay cerca nan pa haci curso. FEPO ta duna curso cortico, curso cu ta dura un siman, luna, curso di HBO tambe anto e persona ta haya su certificado.

Vrolijk ta enfatisa cu nan t’ey pa hende cu kier un di dos of tres oportunidad den educacion. Unda cu un persona cu mas di 30 aña di edad por sigui un estudio anto e por acerca nan.

Pero locual nan kier ta pa obtene e reconocimento. Riba esey nan ta haya e certificado pa nan por haya un trabou na Aruba. Manera un enseñanza pa empleo, e diploma no tin balor ‘nos ta dunando hopi estudio cu no tin na Aruba’.

E intencion cu FEPA tin ta pa bay den bario manera un ‘try out’ di Santa, unda tin habitante cu no tin un diploma, cu no tin trabou. Di e forma ey nan kier purba cu centro di bario pa sea duna les di siguridad, Ingles, les di computer, auto, con pa cuminsa cu negoshi. Nan kier cuminsa entre fin october pa november.

Curso cu lo wordo duna por nada, esunnan cu por paga tambe por participa pero ta cobra un suma chikito. Sinembargo pa esunnan cu ta drenta mester mustra cu no tin trabou for di Departamento di Asuntonan Social.

Vrolijk ta recorda si pa hende sa cu e curso cu un persona ta sigui no ta pa un diploma HBO. Sinembargo si conoce un hende cu ta interesa den sigui curso of haya les, por acerca. Ta pidiendo permiso pa haci’e un MBO.

Pa e motibo ora e tene e presentacion cu Parlamentario y gobierno tur tabatin consenso cu lo bay aproba. A puntra Vrolijk cual ta e diferencia entre Corsou y Aruba, si nan wak e mentalidad ta otro. Eynan gobierno ta maneha enseñanza. Na Aruba gobierno ta maneha y tin ehecucion den su man.

Na Corsou y Bonaire, nan ta laga den man di e fundacion pa haci nan tarea, sinembargo na Aruba no ta e caso. “Te awo nos a haya permiso pa un PDG di minister organisa. Pa tur hende cu kier traha den enseñanza cu no tin manera pa duna les, cu e diploma aki por.”

El a menciona cu un persona cu tin estudio HBO y a caba FEF na universidad na Aruba, pero no tin trabou. E ora ey ta haya un chens pa duna les, pero no tin e diploma pa duna. E ta sigui e estudio pa casi 2 aña pa obtene, anto cu esey e por bira un docente di economia, ‘pero esey si e mester tin HBO of universidad’.

Segun Vrolijk, tin caso cu persona ta bay duna les di colegio sin e PDG, anto nan ta gana menos di locual nan mester gana. Pasobra nan tin cu ta capacita pa traha den onderwijs. “E falta di docente ta grandi. Nos kier purba como fundacion cu nos ta bay haci e trabou diferente.”

Vrolijk a menciona cu nan ta e ‘unico na Aruba cu ta bringa pa enseñanza’ pa wordo dirigi pa hende den enseñanza. E ta bisa cu FEPA ta duna curso pero tambe ta papia cu nan. Pa nan por compronde y wak e necesidad di persona den comunidad anto kico nan mester. Cualkier cos cu nan tin mester ‘nos ta haci e referencia’.

 

LEAVE A REPLY

Please enter your comment!
Please enter your name here