(CuraçaoChronicle) – Prome cu eleccion parlamentario na maart, e partidonan nobo den gobierno di Corsou a priminti di renegocia ayudo financiero cu Hulanda, pa asina Den Haag mester tin menos di bisa riba e isla. E pregunta ta si prome minister Gilmar Pisas a comete fraude cu votador, awo cu el a bay di acuerdo cu e asina-yama COHO.

Hopi persona ta depende riba e centenares di miyones di prestamo sin interes di Hulanda. Esaki lo tene compania aflote y 26mil residente ta ricibi beneficio di carchi di cuminda. Willemstad politicamente tambe ta preveni alrededor di 2mil ambtenaar di mester haya retiro, segun Pisas.

Ex-prome minister, Eugene Rhuggenaath ta culpable pa e acuerdo, segun coalicion nobo MFK y PNP. Ambos partido a gana eleccion 19 di maart ultimo pasobra nan a convence votadornan cu nan por renegocia un miho acuerdo y garantisa mas autonomia. Pero despues di apenas dos luna na poder, e gabinete finalmente ta kibrando nan promesa di eleccion. Oficialmente nan a sostene e ley di COHO durante Conseho di Minister di Reino, sin restriccion ni mas comentario.

Diabierna Pisas a papia di ‘presion enorme’ di Den Haag riba su gobierno. Gobierno Hulandes ta menasa di stop tur ayudo inmediatamente si e isla cuestiona e condicionnan. Esaki a pasa na St. Maarten dos biaha caba. “Si esey pasa aki, hopi ta bay keda sin placa”, Pisas a adverti na RMR. “Tambe nos lo tin cu paga back e cantidad di prestamo inmediatamente. Esey ta pone asina un presion riba nos cu nos no por actua sobriamente pa logra algo miho.”

Na comienso di juni, net prome cu el a huramenta como prome minister, Pisas a manda un carta na Den Haag den cual el a indica claramente cu su gabinete ta sostene COHO. Tabatin intencion principal di duna siguransa na secretario di estado Knops.

Pisas ta nenga di a comete fraude. “Den Haag no kier duna nos espacio pasobra nan ta bisa: e gabinete anterior ya tabata leu cu e acuerdonan. Nos no mag renegocia”, el a enfatisa, culpando Hulanda. Hulanda ta record’e di su propio carta y promesa.

Na e momento aki, Knops no kier tende nada di ‘mas autonomia’. Segun Knops, e crisis un biaha mas a mustra cu e islanan Aruba, Corsou y Sint Maarten no por carga nan responsabilidad. E ta kere cu nan a bira demasiado dependiente riba Hulanda.

Pa prome minister Mark Rutte, e islanan mester pues implementa reformanan significante prome. E meta pa construi reservanan propio y logra un gobierno y economia fuerte. “Nos no ta renegociando nos propuesta”, Rutte a bisa anteriormente. “E ayudo aki ta un oferta di Hulanda. Nos no mester hacie, nos ta hacie claro pasobra nan tin problema grandi. Pero e ora no ta sorprendente cu bo ta bisa, un cantidad di reforma awo mester tuma luga.”

 

LEAVE A REPLY

Please enter your comment!
Please enter your name here