Den fin di siman a bira conoci cu WEB a dicidi, memey di pandemia, pa bay huur un edificio luhoso na beachfront, bastante leu di WEB mes. E noticia aki a causa bastante consternacion, y no ta pa mas. Sindicato, trahadonan y ciudadanonan ta haya e decision di gastamento di placa aki, incomprendibel memey di pandemia. 

Segun un comunicado di gobierno, e hecho cu WEB a scoge net e edificio aki tambe, a wordo hopi cuestiona. “Dicon a scoge un edifcio asina leu di WEB? Y si kier a bay asina leu mes, dicon no a bay poco mas pabao, den e edificio bashi di Utilities Aruba, cu ta e compania madre di WEB y lo no a costa WEB nada?”, e comunicado ta cuestiona.

Prome Minister a splica recientemente ainda cu nos ta den e pandemia, y nos ta memey di e crisis financiero ainda. Den wowo di horcan. Den e situacion aki Gobierno di Aruba ta spera cu su companianan estatal tambe ta baha gasto mas tanto cu ta posibel. Esaki ta conta pa gastonan di salario di WEB tambe, y gastonan operacional manera leasemento di auto y huur di edificio.

P’esey Gobierno a manda pidi WEB duna cuenta di e noticia aki di huurmento di edificio, segun e comunicado ta finalisa.

LEAVE A REPLY

Please enter your comment!
Please enter your name here