(NLTimes) – Gabinete Hulandes a anuncia riba diasabra cu no lo relaha mas medida di lockdown di coronavirus riba dia 11 di mei proximo. Gobierno a declara cu nan kier warda pa relaha medidanan pa al menos un siman mas.

Den e plan di seis stap pa reapertura di e pais, e Gabinete anteriormente a declara cu e fecha mas trempan pa e segundo stap di e plan por tuma luga tabata dia 11 di mei. Esaki ta inclui otorga mas oportunidad pa participa den sport, habri parkenan di diversion, zoologico y otro sitio.

Segun e Gabinete, admision den hospital ainda ta demasiado halto pa bay dilanti cu reapertura di e pais. “Nos ta mira cu e cifranan a pasa e peak, pero tambe cu un reduccion den caso di coronavirus no ta suficiente evidente pa responsablemente continua cu e plan di reapertura”, gobierno a bisa den un declaracion.

E reunion ayera na e Catshuis, e residencia oficial di prome minister, tambe lo keda posponi cu un siman.

Hasta prome cu a tuma e prome stap siman pasa, Outbreak Management Team a conseha gobierno pa suspende relahacion di medida te ora cu fin di e tercer ola bira mas definitivo. Gobierno a dicidi di procede cu reapertura di e pais toch, basa riba modelonan di RIVM pronosticando un reduccion den admision den hospital.

Diaranson ultimo, e prome stap di e plan a bin den accion cu eliminacion di toque de queda, eliminacion di regla di cita pa haci compras, y reapertura di terras di café entre 12pm y 6pm. Studiantenan di educacion avansa tambe a ser permiti pa drenta klas pa prome biaha den cuatro luna.

Den e plan inicial, un gran variedad di sitionan paden, manera restaurant, cinema y museo, lo tabata permiti pa habri back cu capacidad limita riba dia 25 di mei como parti di e di tres stap. Ainda no a dicidi na ki momento lo tuma e stap aki, pero e plan di seis stap a keda anuncia cu intencion cu cada relahacion di restriccion lo sucede cu un minimo di dos siman apart.

LEAVE A REPLY

Please enter your comment!
Please enter your name here