Gobierno ta extende luga ilegal di tira sushi asbest na refineria

ilegal asbest.jpg
– Na luga cu e doño anterior di e refineria – compania di zeta Valero – limpia e asbest manera a palabra, awor, riba nan mesun tereno, rapidamente ta amplia e luga di basha sushi ilegalmente cu containernan yen di material cu ta contene asbest y otro sushi industrial. Aunke ainda ta ilegal, ni gobierno ni husticia no ta interveni.
 
Esaki nos partner den noticia Ret Karibense a publica. 
Minister di Medio ambiente Mike de Meza a priminti cu e lo tene e doño anterior Valero na su palabracion cu lo limpia e asbest. Vice presidente Martin Parrish di e compania Mericano a priminti cu nan lo a soluciona e asunto. Pasobra e tiramento di asfalt na e landfill di e refineria ta ilegal. Esey gobierno tambe ta reconoce; nunca no a duna un permit pa esaki.
 
Sero di asbest
Cu hopi spanto e habitantenan di e bario pega Lago Heights –cu na 2006 ta hay’e cu bashamento di sushi – ta mira cu ya tin simannan largo cu ta basha mas asbest. Ta nan mes a ripara despues,cu diripiente nan a mira homber bisti na trahe protector blanco ta traha riba e sero di asbest.
 
Prome nan a kere cu ta limpia nan a bin limpia e sushi. Pero rapidamente e habitantenan pa nan spanto a mira cu ta mas sushi a bin basha acerca y cu e sero di sushi a bira mas halto. Te awe no a informa e habitantenan. E servicionan di gobierno tampoco no tabata na altura. Esaki a sosode numa te ora cu un habitante, Jaap de Vries, a informa nan tocante di e asunto.
 
Asina por ehempel e Servicio di Inspeccion Tecnico (DTI) no tabata sa nada mientras cu segun e Reglamento di Asbest,cu nan mester supervisa, ta prohibi pa sin permit di minister di Husticia of un ambtenaar cu el a diseña kita of limpia asbest.
 
50 container di asbest
Sr. De Vries ta manda un carta pa minister di Husticia Arthur Dowers pa para e bashamento di asbest mesora, pero te awe e no a haya un reaccion. Entre tanto DTI a bay wak y nan a yega na e conclusion cu berdad ainda ta dump asbest. Nan tampoco no ta actua y solamente ta constata cu tin cu dera ’50 container di asbest’ ainda.
 
E containernan di asbest ey, tur no tabata tapa y a para ey añanan largo,cu entre otro mas material cu ta contene asbest di 2012 ora cu Valero tabata basha cas bashi abou.
 
Lesa mas riba pagina 4 di experiencia di un habitante cu ta biba cerca di e dump di asbest.

You May Also Like

Svb proteccion social trahado.jpg

SVb lo duna periodo di gracia pa doñonan di trabou cumpli cu ley di proteccion social

Adaptacion a wordo introduci recientemente den e ley cu ta regarda e seguro di ...

Di dos keho contra Leoncita y minister Sevinger

Den e caso di otorgamento di tereno pa Leoncita sea su famia, un otro ...

4aug, NW, lennie geervliet (1).JPG

Casnan di cuido pa hende grandi ta ricibi yudansa di DESPA cu man habri

Departamento di Salud Publico (DESPA) tin un seccion nobo crea como parti di e ...

caso ladronica turista.jpg

Grupo hortando turista gara

Aruba – Pa algun dianan caba, Recherche tabata trahando riba diferente caso di ladronicia ...

Cifranan mas halto di casonan confirma di Zika

Departamento di Salud a duna cifranan nobo ayera tardi pa e situacion cu Zika y ...

Sevinger evaluacion matthew Br (5).JPG

Minister di Infrastructura: “Tur sistema a funciona perfectamente”

Minister di Infrastructura, Sr. Benny Sevinger a expresa su satisfaccion riba e resultado di ...