– E polisnan acusa di envolvimento den e morto di e Arubiano Mitch Henriquez juli aña pasa na Hulanda, no a comete perhurio.
Esaki Ministerio Publico (OM) ta constata despues di haci un investigacion, asina e fuente Hulandes NOS a publica.
Famia di Sr. Henriquez a denuncia e polisnan. E polisnan supuestamente a gaña durante e interogacion di Rijksrecherche, segun e famia. Ministerio Publico a investiga e acusacion aki pero a conclui cu e polisnan no a hura durante e interogacion. Pa motibo di esaki no por papia di perhurio, segun OM. Esey no kiermen cu e polisnan no a gaña durante e interogacion, pero esaki
Dos di cinco polis mester responsabilisa nan mes dilanti hues pa nan parti den e morto di Mitch Henriquez. E uzo di e ‘nekklem’ a resulta fatal. Pero polis tambe a faya di actua momento cu a mustra cu Sr. Henriquez no tabata na tino. E otro tres polis no ta scapa y ainda nan tin medidanan disciplinario colgando riba nan cabes.
E famia di Mitch Henriquez no ta contento cu e decision di OM pa persigui solamente dos polis. Nan ta haya cu tur cinco ta culpabel.
