(AP) – Cantidad grandi di hende ta para den rij tur mainta, cuminsando for di marduga, na un area pafo di Nairobi su hospital mas grandi pa ricibi e vacuna di COVID-19. Tin biaha, e rij ta avansa lihe mientras cu otro biahanan e empleadonan mester bisa nan cu no tin nada mas disponibel y nan mester bini back e siguiente dia.

Na e otro mita di mundo, na un misa na Atlanta, dos empleado cu varios dosis di vacuna ta warda oranan largo riba un diaranson pa un hende aparece, pasando tempo ta tende cantica for di un laptop. Durante un periodo di 6 ora, solamente un persona a pasa door di e porta.

E contraste dramatico ta ilustra e gran diferencia rond di mundo. Den e paisnan rico y di mas recurso, hendenan por scoge di diferente vacuna disponibel, y cana drenta un sitio cerca di nan cas pa ricibi e vacuna den minuutnan. Clinicanan mobil, manera esun na Atlanta, ta trece e vacuna n e areanan mas aparta y dificil pa yega, pero e ta keda comun pa no tin hopi persona cu kier ricibi e vacuna.

Den e mundo cu te ainda ta desaroyando, e material ta limita y no ta sigur si e lo t’ey. Solamente un poco mas di #% di hendenan na Africa a ser completamente vacuna, y oficialnan di salud y ciudadanonan tin tiki idea di kico lo ta disponibel pa nan di un dia pa e otro. Mas vacuna a cuminsa drenta den e simannan recien, pero e director di World Health Organization den Africa a revela diahuebs cu e continente lo tin 25% menos dosis di loke a anticipa pa fin di aña, den parti causa pa e comienso di e dosisnan extra cu lo ser duna den paisnan di mas recurso manera Merca.

Bidian Okoth a corda di inverti mas cu 3 ora den rij na Nairobi su hospital, solamente pa ser bisa pa bay back cas pa motibo cu ya no tabatin mas dosis disponibel. Pero un amistad cu a biaha na Merca a ricibi vacuna casi inmediatamente despues di su yegada, y cu e vacuna di su escogencia, “manera mangel” el a bisa.

“Nos ta luchando cu e orario den mainta, pa sa cua ta e orario cu nos tin cu lanta pa nos por ricibi e prome vacuna. Despues bo ta tende hende ta kies cua vacuna nan kier. Esey ta super, super excesivo,” el a bisa.

Okoth a bisa cu su tio a muri di COVID-19 den juni y a rindi dos biaha pa ricibi vacuna pa causa di e largura di e rijnan, aunke e tabata eligibel pa su edad. E morto a motiva Okoth, ken awo ta boga pa salud, pa bay ricibi e vacuna su mes.

El a stop na un hospital asina hopi biaha prome cu e bay cas, cu un dokter a “cansa di wak mi” y a bisa Okoth cu e lo yama su persona ora cu e dosisnan bira disponibel. Fin di luna pasa, despues di un entrega di donacion di vacuna for di Britania, el a ricibi su vacuna.

E diferencia grandi aki ta bin den bista cu Merca cada biaha ta yegando mas cerca na ofrece dosis extra na gruponan grandi di e populacion, hasta den bista cu e ta lucha pa convence Mericanonan vacuna cu te hasta e prome dosis. President Joe Biden riba diahuebs a duna orden pa un cantidad grandi di rekisitonan nobo pa cu vacunacion pa casi 100 miyon Mericano, incluyendo empleadonan di sector priva, mirando cu e pais ta pasando den un brote causa pa e variante delta.

Casi 53% di e populacion di Merca ta vacuna, y e pais tin un averahe di 150,000 caso nobo di COVID-19 pa dia cu 1,500 morto. Africa tin mas di 7.9 miyon caso confirma, incluyendo mas di 200,000 morto, y e variante delta recientemente a causa un otro brote atrobe.

E cabesante di WHO, Tedros Adhanom Ghebreyesus, a insisti riba diaranson cu paisnan di mas recurso cu material grandi di vacuna di coronavirus, warda pa otro e dosisnan extra te cu fin di aña, y haci uso di e dosisnan aki pa medio di duna esakinan den donacion na e paisnan mas den mas necesidad.

John Nkengasong, director di Africa Centers for Disease Control and Prevention, a conta reporteronan riba diahuebs cu “nos no a mira suficiente ciencia” pa haci decisionnan di ki tempo pa duna dosisnan extra.

“Sin esaki, nos ta tumando riesgo,” el bisa, y a urgi paisnan pa manda dosis di e vacuna na paisnan “enfrentando escasez” na luga di duna esakinan como dosis extra.

LEAVE A REPLY

Please enter your comment!
Please enter your name here