caso ladronica turista.jpg

Aruba – Pa algun dianan caba, Recherche tabata trahando riba diferente caso di ladronicia riba turistanan na beach.

Ta trata di un grupo coriendo cu jeep rond di Aruba y hortando pertenencianan di turista. Diabierna den oranan di atardi, un agente policial a mira un auto sospechoso riba e caso aki pa noord di rotonde di Wayaca. Polis a persigui e auto aki, pero no a hay’e mas. A sigui un buskeda extenso y den careda di 1’or di atardi nan a lgora di identifica e auto. Mas atardi, banda di 4or di atardi, a para e auto. Den e vehiculo tabatatin dos dama y un mucha. Pero na e momento cu e agente a bay realisa e detencion, un homber cu tabata den auto a resisti fuertemente y a logra huy, y drenta mondi na Wayaca.
Unidad di K9 y mas polis a presenta na e sitio pa yuda den e buskeda. E dos damanan hunto cu e mucha a wordo deteni como sospechoso y hiba warda di Polis pa interogacion. E caso aki ta keda den investigacion y lo sigui e desaroyonan pa logra yega na detencion di e sospechoso masculino.

 

LEAVE A REPLY

Please enter your comment!
Please enter your name here