Fitness clubs y Gym ta menasando cu condicionnan hudicial si gobierno nenga pa bisa e fecha provisional den cual nan lo por rehabri desde 1 september. Volkskrant a raporta durante fin di siman cu e sector tabata considerando un desafio legal riba e decision di no permiti nan pa habri nan portanan 1 di juni, apesar di un reaccion positivo na e protocol presenta pa e lobby group NL Actief.

Prome minister Mark Rutte a bisa diamars cu e clubnan no lo habri pa motibo cu soda den un espacio reduci ta demasiado riesgoso. Tambe el a bisa cu e ekipo di limpiesa por resulta demasiado dificil. Rutte ta referi na e incertidumbre tocante e posible plamamento di virus atraves di aerosol den un espacio cera.

NL Actief a reacciona furioso tocante e anuncio, bisando cu e decision a laga 4.000 empresa y tres mil persona den friu. E grupo lo reuni awe cu minister di atencion medico y deporte Martin van Rijn den un esfuerso pa cambia e desicion of puntra e tribunal pa dicidi.

“ Si nan ta obliga nos pa warda otro cuatro luna, mita di e clubnan y gymnan no lo habri mes paso nan lo a hundi”. E director di e Liga Nacional Patrick Rijnbeek a bisa Volkskrant. Rijnbeek ta particularmente molestia pa e actitud casi denigrante di prome minister Mark Rutte pa e sector cu ta representa un facturacion di 1.500 miyon y 84.000 empleado full-time , e matutino a bisa.

Segun Rijnbeek, e protocol cu ta garantisa un medio ambiente e sigur, cu ta presenta un luna pasa a ricibi aprobacion ministerial. Sinembargo e minister a bisa, “un bon protocol no ta un garantia di apertura”. E gabinete semper ta enfatisa riba e importancia di vitalidad y salud. Esaki ta exactamente pa kico nos ta akinan”, Rijnbeek a bisa.

LEAVE A REPLY

Please enter your comment!
Please enter your name here