Haiti: Nacionnan Uni ta desea di fortifica mantencion di ley

Fortifica mantencion di ley y mehora cuerpo policial nacional y e sistema hudicial na Haiti lo rekeri boluntad politico di parti di autoridadnan, y Nacionnan Uni ta determina pa apoya e meta aki, asina secretario general interino pa operacion di mantene paz, Bintou Keita ta bisa.

Señora Keita, cu a asumi su posicion september aña pasa, a biaha pa Haiti di 5 pa 9 di februari ultimo pa apoya e esfuersonan di e mision nobo di Nacionnan Uni pa apoyo na husticia na Haiti (MINUJUSTH) pa discuti e mandato di e mision cu gobierno Haitiano y otro partnernan, y pa sigura cu derecho humano ta den centro di agenda pa desaroyo sostenibel di e pais.

Estableci na october 2017, Minujusth a logra un mision di Nacionnan Uni di mantene paz anteriormente, conoci como Minustah, cu un mandato mas limita di conseho di siguridad, enfoca riba yuda gobierno di Haiti pa fortifica su institucionnan di mantene ley.

Keita a bisa cu e conseho di siguridad a duna e mision un lapso di tempo cortico di dos aña, cuminsando na april 2018, pa yuda Haiti surpasa problema sistematico y “pa sigura cu progreso fundamental lo tuma logra den sector di husticia, den e proceso hudicial, siguridad y derecho humano,”

El a añadi cu tur e partinan interesa na Haiti tabata di acuerdo cu e sistema hudicial tabata e parti mas debil di e tres podernan di gobernacion.

Su bishita a enfoca mas tanto riba discuti e benchmarknan cu lo haci posibel pa gradualmente autoridadnan Haitiano cuminsa asumi responsabilidad den e asuntonan critico di mantencion di ley, pa permiti conseho di siguridad retira e mision di paz completamente pa inicio di 2020.

Keita a haci un bishita di campo na Jeremie, den sur di e pais, unda el a bishita entre otro un prizon pa civil, pa mira e condicionnan den cual e presonan ta biba. El a describi su bishita como emocional pa mira e practica diario den e instalacion. “E sistema en general ta mustra e sintomanan di un sistema enfermo y disfuncional. Di acuerdo cu Keita, reforsa e institucionnan di mantene ley ta un meta di largo plaso. A corto plaso, e meta ta pa mustra resultado visibel, pa hende por haya confiansa atrobe den boluntad di autoridad pa haci cos cu apoyo di comunidad internacional.

You May Also Like

Argentina: importacion di bienes di capital di Brasil a aumenta cu 43%

Camara di Comercio Argentino – Brasileño di Argentina (CAMBRAS) a difundi un informe cu ...

Dos preso morto y 30 a huy for di prizon di Brasil

Dos preso a muri y como trinta a huy for di un prizon situa ...

Gastonan di hospital a aumenta cu 85%

WILLEMSTAD – Ideal lo tabata pa e profesionalnan di cuido y e aseguradonan di ...

Opositor Cubano a denuncia presion y menasa relaciona cu eleccion presidencial

Diamars ultimo un grupo di hende opositor Cubano a denuncia maltrato y presion, hunto ...

Ta kita matrimonio di mesun sexo di propuesta pa Constitucion

E comision cu ta elabora e propuesta pa un constitucion Cubano nobo, a elimina ...