Hala rosea ta esencial pa bida. Hala rosea cu bo pulmon ta provee e curpa e oxigeno necesario pa duna apoyo na movemento di musculo, pa cuminda digeri, pa funcion celebral y mas. Exhalacion ta libera e curpa di e gas dioxido di carbono.

Pa cierto persona esaki ta mas facil bisa cu haci. E International Journal of Chronic Obstructive Pulmonary Disease a publica un articulo cu ta splica con e secrecion nan di moco cu ta wordo haya mas tanto den persona cu un enfermedad di pulmon obstructivo cronico tin un impacto hopi negativo den e funcionamento di e pulmon. Hende cu e enfermedad di pulmon obstructivo cronico, asma of otro problema general di hala rosea tin un sistema inmunologico abou of cu tin un compromiso mester ta extra diligente cu tur e reglanan, pa asina keda mas sano y saludabel, specialmente den e mundo di awe.

Ehercicio por yuda fortalece e pulmon. Ora cu bo ta fisicamente activo e ta pone e pulmonnan traha mas duro pa asina trece oxigeno adicional cu e curpa ta pidi. Esaki ta reforsa musculonan, curason y pulmon. Si bo no por hala rosea profundo ta bira dificil pa haci aerobic. Cuminsa cu yoga halando rosea profundo. Buceadonan y cantantenan sa y ta practica con pa hala rosea profundo. Ta sigur pa traha riba bo postura pa lanta e caha toracica, keda hidrata pa asina moco los. Harimento di barica profundo tambe ta un bon ehercicio pa pulmon!

Ademas di desinfecta y protege of evita hende cu por ta malo, tur hende cu ta malo, di riesgo halto of cu tin dificultad pa hala rosea mester come cuminda mas fresco, natural y saludabel cu ta posibel. Purba evita productonan lacteos. Lechi di baca ta un cuminda cu ta produci moco den pulmon, sinus y colon. Otro producto cu ta produci moco y ta cuminda inflamatorio ta inclui: producto di soya, trigo (pan, pasta, cereal y mas), maishi, tur sucu – specialmente procesa, otro cuminda cu almidon blanco manera batata, aros blanco, cafeina, carni cora y alcohol.

Algun suplemento dietetico mane vitamina C a mustra cu ta yuda pa desintoxica e pulmon. Estudionan ta mustra cu hende cu tin enfermedad di pulmon obstructivo cronico y otro condicionnan por tin un nivel abou di vitamina D3. Vitamina D3 a mustra cu e ta mehora e sensibilidad di e curpa pa insulina di cual ta controla sucu di sanger, reduciendo e riesgo pa resistencia di insulina. Vitamina D3 por yuda reduci brotenan di patentnan di pulmon y por yuda e pulmonnan funciona miho.

Mi suplemento faborito pa pulmon ta NAC of N-acetylcysteine cu por wordo uza sin peliger pa desolve moco pa problemanan manera bronkitis cronico, asma, emphysema, verkoud y griep. NAC ta haci e moco likido di e pecho y pulmon, lagando bo hala rosea mas facil.

NAC ta un remplacante di Paracetamol, toxicidad pa acetaminofén. Si tuma mucho hopi Paracetamol por haci e higra daño. Sintoma por inclui nausea, vomito, piel palido, sodamento y cansancio. NAC lo desintoxica e curpa pa asina bo por sinti miho mas lihe.

Suplemento dietetico no tin un efecto negativo manera medicamento farmaceutico ora cu e descompone den e higra. Em bes di produci toxinas, NAC ta descompone den e higra. Glutathione cu ta wordo yama “e monster di tur antioxidante” ta preveni y stop daño di celulanan. E ta protege nos celebro y yuda preveni cancer. Tuma NAC cu cuminda pa salud di bo pulmon y higra.

Tuma e punto! Tur yogis y guru di salud sa cu rosea ta bida! Un dieet saludabel eliminando producto lacteos y agregando suplemento manera vitamina C, D3 y NAC por yuda habri bo pulmon. Eliminando y reduciendo kimico, contaminante bacterial y viral ora cu ta posibel. Siña tocante ehercicio pa hala rosea profundo cu ta bon no solamente pa bo pulmon, pero pa bo relaha tambe. Tuma contacto cu nos pa mas pregunta personal y no lubida cu e prome cos cu un parha ta haci pa saluda e dia nobo y e ultimo cos cu nan ta haci ta hala rosea y canta. Un hari grandi for di bo barica por ta locual e dokter ta pidi pa bo haci.

LEAVE A REPLY

Please enter your comment!
Please enter your name here