A aresta un hoben di 19 aña a pa motibo di mata brutalmente un pastoor pedofiel cu ta acusa di abusa di e homber y tres otro hoben. A identifica e sospechoso como Alexandre V., kende supuestamente a mata y tortura e pastoor catolico Roger Matassoli di 91 aña di edad na su cas di Agnetz, Oise, nort di Francia, dia 4 di november ultimo.

E sospechoso a hinca un crucifix (cruz Cristian) na e pastoor su garganta, causando e homber pa sofoca. Inicialmente a hiba e sospechoso na un facilidad di salud mental despues di su aresto, unda el a permanece pa casi dos luna te ora cu a acus’e formalmente e siman aki.

Polis a gara Alexandre ora e tabata purba di bandona e escena y a acus’e di tortura, asesinato y resisti aresto. Durante interogacion, el a bisa investigadonan cu e no ta corda e eventonan, pero e tabatin un motibo cla pa efectua e atake.

Alexandre ta un di 4 hoben cu a acusa Matassoli di agresion sexual entre aña 1960 cu 2000, aunke autoridad ta sospecha cu tin mas victima cu mester bin dilanti. E abuso a sucede durante tanto tempo, cu e tata di Alexandre tambe tabata un victima di Matassoli su abuso.

Segun ‘The Sun’, Alexandre su welo a mata su mes ora cu el a haya sa di e abuso cu e famia a pasa aden. Tambe ta raporta cu Alexandre a purba di comete suicidio den pasado. Segun famia cu a papia cu medionan den condicion di anonimato, Alexandre tabata abusa den edad entre 6 y 15 aña. A pesar di acusacion contra Matassoli, e tabata bou di payroll di misa catolico te cu aña pasa.

LEAVE A REPLY

Please enter your comment!
Please enter your name here