Dos homber di nacionalidad Hulandes a ser acusa di suministra droga na e festival di musica Sziget na Budapest, asina medionan Hungaro a raporta. Ambos tabatin mas di un kilo di pildo di ecstasy, 451 pochi di plastic cu ta contene narcotico y 128 gram di marihuana den nan tent na e festival, plus 500 lista di prijs, Polis a bisa.

E hombernan tin e edad di 21 of 22 aña y e medionan Hungaro ta bisa cu e recorido, cu un balor di €15,000, ta e mas grandi hamas realisa den e festival. Segun medionan Hulandes, un di e hombernan ta Roelf B, un velocista cu a representa Hulanda den un competencia internacional. Ambos homber ta di Stadskanaal na Groningen, AD a bisa.

Ambos a ser selecciona pa personal di siguridad cu a nota cu nan tabata hopi ocupa den nan tienda. Arestonan a ser realisa diamars ultimo. Polis Hungaro a bisa tambe cu na por ser acusa tambe pa contrabanda di droga, locual por resulta den un condena di bida largo. Nan a ser deteni dialuna, mientras cu e investigacion ta continua. E festival Sziget ta sigui te cu awe diamars y Ed Sheeran, Martin Garrix, y The Foo Fighters lo presenta.

 

LEAVE A REPLY

Please enter your comment!
Please enter your name here