Botswana a bira e ultimo pais cu ta kita ilegalidad di relacion homosexual. Un caso historico pa Africa, unda corte supremo a rechasa e ley di castigo di mas di 7 aña di prizon.

Activista tabata contento den corte ora cu a tuma e decision aki. E pais Sur Africano ta un di e mas democratico y stabiel di e continente. Trempan e aña aki, Angola a tambe a haci relacion homosexual legal y a prohibi discriminacion contra persona su orientacion sexual.

E discusion di ley a pone cu comunidad LGBT a bira vulnerabel pa discriminacion y abuso, haciendo dificil pa tin acceso na salud basico y otro servicio. Director di Botswana su grupo no gubernamental LEGABIBO, Caine Youngman a bisa AP: “Mi ta un homber gay, mi a sali for di closet hopi tempo pasa. Awo mi por biba cu mi partner sin problema.”

Amnistia Internacional a pidi otro nacion di Africa pa sigui ehempel di Botswana, den un ‘era nobo di aceptacion’. Tribunal superior di Botswana a bisa cu lo penalisa persona cu falta respet of actua den forma discriminatorio. “Orientacion sexual no ta un declaracion di moda.

Cualkier criminalisacion di amor, of di busca satisfaccion den amor, ta mengua compasion y tolerancia.”

LEGABIBO a comparti comentario na president Mokgweetsi Masisi, cu ta bisa cu tin persona di den relacion homosexual cu a wordo abusa y a sufri den silencio pa miedo di wordo discrimina, pa nan derecho wordo protegi.

 

LEAVE A REPLY

Please enter your comment!
Please enter your name here