Miles di hende ta evacuando for di nan hogar mientras cu horcan Otto ta bayendo den direccion di Nicaragua y Costa Rica. E tormenta aki ya caba a trece hopi awasero y a causa tres morto na Panama. Pronosticacion ta mustra cu Otto lo subi tera diahuebs na Nicaragua, parti panort di e frontera di Costa Rica. Costa Rica a declara un estado di emergencia y oficialnan a ordena pa un evacuacion di 4,000 hende for di e costa caribense anto tur scol ta cera pa e resto di siman. Tin hopi awasero na caminda anto empleadonan publico a wordo avisa pa keda cas riba diahuebs y diabierna.
Fuente: SKY NEWS
