Hospital ta intensiva regla y no ta permiti bishitante mas

Pa minimalisa riesgo di contagio Dr. Horacio E. Oduber Hospital recientemente a tuma medida pa loke ta bishitante en conexion cu coronavirus.

Desde awe dialuna 30 di maart, Hospital ta intensiva esaki mas ainda y ta anuncia cu NO lo permiti bishitante drenta Hospital mas. Na Hospital tin pashentnan interna cu ta delicado di salud y lastimamente no den tur situacion por mantene na loke ta distanciamento social. Nos di Hospital kier proteha nos pashentnan y alabes proteha nos empleadonan cu ta

sumamente esencial y specialmente na momento cu e demanda pa loke ta

cuido na Hospital subi.

Pa algun pashent tin excepcion cual ta rekeri un dagpas, por ehempel departamento di mucha y maternidad. Tambe tin excepcion den caso cu pashent ta terminal. Tur e afspraaknan aki, manera ya ta e caso, ta wordo traha hunto cu e manager di e departamento, pashent y famia.

Un danki di curason ta bay na ful e team Hospital cu 24/7 ta trahando pa asina protege, cuida y guia nos pashentnan.

Directiva, staf y personal di Hospital ta spera di por conta cu tur hende nan comprension y alabes cooperacion. Hunto nos por combati’e!