Host di radio Britanico, Sideman a renuncia su puesto na BBC diasabra tocante e decision di e corporacion di inclui un termino racista den un reporte noticiero tocante un atake racista.

Sideman, kende a aparece den stacion musical Radio 1Xtra, a bisa den un post riba Instagram cu transmision di e palabra ‘ta sinti como un sla den cara di nos comunidad’. E comediante y locutor, kende su nomber real ta David Whitely, a bisa cu ‘sin disculpa (di BBC) mi djis no ta sinti comodo di wordo alinea cu e organisacion’.

BBC a inclui e palabra durante un reportahe luna pasa riba un atake violento contra un hoben color scur na Bristol, un ciudad den sur occidente di Inglatera. E atacantenan ta reporta di a grita e palabra ofensivo mientras nan a trapa e hoben di 21 aña di edad cu un auto.

E victima tabatin mester di tratamento na hospital pa un fractura di pia y otro lesion.

BBC a defende e decision di usa e palabra, bisando cu kier a representa e naturalesa racista di e atake y a ‘duna advertencia adecua cu tin imagen y lenguahe indignante’. Diahuebs, BBC a bisa cu a ricibi mas di 18mil keho tocante e transmision.

 

LEAVE A REPLY

Please enter your comment!
Please enter your name here