(NLTimes) – Hulanda y Belgica awo ta e hubnan principal pa traficacion di cocaina na Europa, cu ambos pais suplantando Spaña como e punto di entrada principal pa e droga, segun organisacion policial Europeo, Europol a bisa den un reporte.

“E epicentro di e mercado di cocaina na Europa a move den nort”, Europol a bisa, segun AD ta reporta.

Organisacionnan criminal ta tumando bentaha di e aumento di suministro di cocaina y cada bes mas ta haci uso di transporte di producto den container pa hiba e droga na Hulanda mediante a wafnan na Rotterdam, Hamburg na Alemania, y Antwerp na Belgica. E capacidad di e wafnan mayor aki, y nan cercania cu Hulanda, ‘a consolida e rol di Hulanda como un zona di transito’. For di Hulanda, ta transporta e droga na henter Europa, segun e reporte.

Mercado di cocaina Europeo ta bayendo bon pa motibo di e aumento di suministro di e droga. Europol a atribui esaki na e ‘fragmentacion di e paisahe criminal den e paisnan fuente’. E acuerdo di paz entre e movemento di guerrilla marxista FARC y e gobierno di Colombia a ser menciona specificamente. Desde e acuerdo di paz, varios grupo a bin dilanti cu ta luchando pa control di produccion di cocaina na e pais, segun e reporte.

Organisacionnan criminal Europeo a forma aliansanan cu gruponan rival na Colombia, cu resultado cu nan no tin mester di un intermediario mas sino cu por cumpra nan cocaina directamente for di e productor.

Cocaina ta e di dos droga mas usa den Europa central y occidental, cu aproximadamente 4.4 miyon usuario aña pasa. Solamente cannabis tin mas ususario.

LEAVE A REPLY

Please enter your comment!
Please enter your name here