Hulanda lo gasta mas cu dies miyon euro pa stimula construccion di cas

(NLTimes)—Minister di Vivienda Elanor Boekholt-O’Sullivan ta pushando dies miyones di euro pa facilita construccion di cas y haci e meta di 100.000 cas nobo pa aña mas alcansabel. E minister di D66 a aloca €280 miyon pa mas funcionario pa aproba permiso di construccion y pa suavisa reglanan pa cas prefab, entre otro cosnan, segun un carta cu el a manda parlamento.

Segun Boekholt, planificacion y construccion di un cas actualmente ta dura casi dies aña. E ta kere cu por corta varios aña door di fabrica mas cas prefab den fabrica y arma nan riba sitio. “Esaki ta haci posible pa traha mas lihe, na escala mas grandi, y cu menos dependencia riba labor scars,” el a skirbi.

Actualmente, un poco mas cu 20 porciento di cas nobo ta bin for di fabrica. Den cuatro aña, Boekholt kier pa esaki yega 50 porciento. Gabinete ta alocando €90 miyon pa aña pa esaki y otro innovacion y digitalisacion den construccion di cas.

E tambe ta alocando casi €160 miyon pa aña pa municipalidadnan nombra un “pool flexible” di funcionario y expertonan cu por yuda cu planificacion y realisacion di casnan. “Pa acelera proceso di permiso y pa contraresta problema cu ta para of retrasa construccion,” el a bisa. Procedementonan lento di permiso ta un di e obstaculonan mas grandi den e sector di construccion na Hulanda.

Boekholt kier elimina tambe cierto permiso pa hacie mas facil pa crea cas nobo door di parti casnan grandi of agrega piso adicional riba edificionan existente, y pa hacie mas facil pa comparti cas y huur camber. E lo duna mas detaye riba con e ta planea pa regula esaki prome cu zomer.

Den un otro carta pa parlamento, e minister di Vivienda tambe a confirma su plan pa suavisa reglanan pa huur den segmento medio. E kier permiti doño di cas cobra huur mas halto pa casnan caro, cas nobo, y cas sin hardin of balcon, door di suavisa ley di huurdo.

El lo ahusta e sistema di puntonan cu ta indica cuanto doño por cobra den e sector regula. E cambionan lo duna mas peso na balor di propiedad (WOZ) di un cas den determinacion di huur y elimina puntanan negativo pa falta di espacio pafo.

Boekholt kier implementa e ahustenan aki otro aña, of mas pronto si ta posible.

Potret di Gemeente Rotterdam.