Hopi docente no ta confortabel pa habri tur scol secundario, sin un regla pa mondkapje y distancia pa studiantenan. Esey ta sali afo di un encuesta di sindicato Leraren in Actie.

Segun gobierno, tur studiante di scol secundario den regio Noord por bay scol atrobe, cuminsando dialuna, sin mondkapje y cu klas ful yena. Esey ta e preocupacion di docentenan.

Sindicato di maestro ta bisa cu nan ta inunda di reaccionan di preocupacion.

 

“E encuesta cu nos a manda pa mas cu 2200 docentenan ta bisa cu mas di 80 porciento di tur docente ta haya cu e no ta sigur ainda pa habri scolnan,” Peter Althuizen, presidente di Leraren in Actie, ta bisa. “Nos docentenan ta preocupa cu e saluda di nan mes, muchanan y mayornan na cas.”

 

RIVM (Rijksintituut voor Volksgezondhuid en Milieu) y epidemiologo Patrica Bruijning tambe ta expresa na preocupacion. Mañan tin un conferencia di RIVM over di e coronavirus y diaranson e Tweede Kamer ta debati over di e situacion di coronavirus. E habrimento di scolnan sin reglanan ta contra e conseho di e Centro Europeo pa Prevencion y Control di Enfermedadnan. E EPCE y e RIVM ta boga pa mondkapje y distancia, tambe pa studiantenan.

 

“Den Israel, nos a wak un brote importante pa un scol habri,” Mike Catchpole, investigador principal di EPCE, ta bisa. “E lokaalnan di les tabata ful y tabata tin un ola di calor, pues e studiantenan no a mester uza nan mondkapje. Esey ta mustra cu sin sdistanciamento social y mondkapje un brote ta mas cu probable,” Catchpole a bisa. E EPCE ta recomenda un distancia di 2 meter y un mondkapje bisti.

 

Ta necesario pa revisa e reglanan?

Na juni, e gabinete a anuncia cu, a diferencia di hopi scolnan di otro paisnan, studiantenan di Hulanda no lo mester uza un mondkapje y tene un distancia di 2 meter. Solamente e studiantenan mester tene un distancia for di e docente. “Solo si e virus ta propaga mas di  loke ta spera, e decision lo wordo revisa”, e gabinete a skirbi.

 

Segun Patricia Bruijning, pediatra y epidemiologa di UMC Utrecht, e tempo ey a yega. “Ami ta kere cu e reglanan ta insuficiente pa herfst. Awo nos ta den un otro fase di e pandemia. Nos por wak cu mas y mas hende ta wordo infecta y nos mester preocupa mas cu e transmision. E hecho cu hobennan tambe por wordo infecta ta significa cu mester mantene distanciamento social.”

 

E sindicatonan pa educacion kier di e gabinete si e reglanan cu a wordo introduci siman pasa lo cumpli ainda, “pa educacion por cuminsa cu ful confianza otro siman pa e aña escolar nobol”, un portavoz di e Sindicato di Educacion General a bisa.

 

Klasnan cu 30 adolescente

Siman pasa, prome minister Rutte a pidi den un conferencia specialmente pa hobennan pa tene na e reglanan general. “Despues di e conferencia nos ta pensa: con bo por señala hende di 18 aña y mas pa mantene e reglanan ora tin 30 mucha di 17 y 18 aña den klas aworaki?”, Althuizen di e sindicato Leraren in Actie ta puntra.

 

Sindicatonan Educacion General y Leraren in Actie kier pa e gabinete tuma accion. Althuizen ta preocupa cu lo ainda tin falta di claridad di e politica un siman prome cu e scolnan ta habri. “E ta demasiado tiki, y laat. Nan por a premira pa largo cu esaki lo pasa.”

Aunke EPCE no kier duna comentario riba e situacion specifico di Hulanda, e organisacion si ta critico riba varios regla: “Ami ta pensa cu si e poblacion ta ricibi diferente mensahenan, por ehemplo unda e reglanan ta aplica y den cua situacion, e lo bira dificil pa e poblacion  comprende lo corecto.” e investigador principal Catchpol a bisa. “ Coordinacion ta importante.”

 

Ventilacion

Siman pasa scolnan secundario a puntra e OMT ( Outbreak Management Team) conseho riba ventilacion den scolnan. Hasta riba ventilacion tin preocupacion. E conseho ta wordo spera e siman aki. Ma)ñan e RIVM ta duna un sesion informativo over di e situacion. Diaranson e Tweede Kamer lo debati over di e situacion di coronavirus.