E gobierno di Aruba, Corsou y Sint Maarten mester ta alerta pa interferencianan secreto di inversionistanan cu kier tin influencianan politico na e islanan via di compra di negoshinan.
E advertencia notabel aki bo por lesa den e strategia integra di siguridad y exterior cu e ministro di Reino Stef Blok di asuntonan exterior a manda pa Tweede Kamer. Esaki ta segun e fuente Curaçao Chronicle.
“E interferencia indesea y e compra no desea di e proceso vital manera telecomunicacion, coriente y e puerto di inversionistanan stranhero lo por daña siguridad nacional y orden publico. Esaki ta pasa si nan menasa e continuidad di e procesonan vital, esaki por conduci na e dependencia strategico of por afecta e integridad di informacion.”
E distincion entre e economia y politica durante e ultimo añanan a cuminsa bruha,esaki ta segun e rapportnan. “E instrumentonan economico lo wordo uza mas frecuente pa influencianan politico. Esaki tambe ta wordo referi na e partinan vital di Caribe debi na su tamaño chikito, esaki ta haci nan relativamente vulnerabel na e instabilidad regional, e adkisicion nan stranhero no desea y e distorcionnan di comercio.
Ta asina cu e partidonan principal di China tin un bista riba Caribe. Por ehemplo, e acuerdo cu GZE pa podera di e isla ainda ta fresco den memoria. Un grupo Chines a informa na Sint Maarten, cual tambe a priminti inversionnan grandi, pero esaki a sosode prome cu horcan Irma.
