(NLTimes) – E facilidadnan pa warda gas na Hulanda awo ta 80 porciento yen, cumpliendo cu e meta pa e temporada binidero.
Gobierno lo sigui yena e facilidadnan aki den e periodo binidero, pa crea un backup pa cualkier problema cu por presente, Minister Rob Jetten di Clima y Energia a comenta riba diaranson.
“E ta un bon noticia, apesar di e circumstancianan dificil, nos a logra yega e reserva di gas cu mas di 80% dos luna prome cu e deadline Europeo,” Jetten a bisa. “Esaki ta hopi importante awo cu nos ta mira Russia ta mishiendo cu e suministro di gas pa motibonan politico.”
Gobierno anteriormente a aloca 10 miyon euro pa yena e facilidad na Bergermeer lo mas cu por riba di e meta original di 68 porciento. Jetten ta premira cu lo yega 90 porciento di e capacidad na e facilidad aki. E facilidadnan na Grjpskerk y Alkmaar ambos ta 100 porciento yen, y e facilidad na Norg a ser yena mas di 85 porciento caba.
“Nos lo sigui yena nos facilidadnan na Hulanda den e periodo binidero pa asina nos tin un plan pa sostene nos den medio di e incertidumbre cu Europa ta enfrentando,” Jetten a expresa.
Gobierno lo importa gas likido, pues LNG, via barco. Gasunie lo cuminsa usa un terminal di LNG nobo na EEmshaven den Groningen e siguiente luna. E terminal por wanta 8 biyon meter cubico di gas pa aña.
