No solamente ta identificando kico ta e debilidadnan y oportunidadnan di e Parke Marino Aruba, stakeholders a presenta solucionnan den gruponan multidisciplinario. E sesionnan aki ta organisa pa Fundacion Parke Nacional Aruba, cu ta encarga cu Parke Marino Aruba y a tuma luga na The Hyatt Place.

Personanan di diferente sector, for di organisacionnan di naturalesa te piscadonan y personanan di e mundo di deporte acuatico a bini hunto pa a base di informacion cu Parke Marino Aruba a acumula, pa haci e asina yama SWOT analysis, esta e analisis di e puntonan fuerte y debil, ademas di e oportunidadnan y menasa pa e area marino cu awor ta proteha pa ley. Pero banda di determina cua ta e debilidad y menasa, e intencion ta pa e diferente gruponan presenta solucion y opcion.

E sesionnan tabata bou guia di personal di FPNA y di Gerente Adhunto di Parke Marino Aruba, Sietske van der Wal. Bon Dia Aruba lo amplia riba e proyecto aki cu a inicia algun siman prome cu anochinan informativo, na caminda pa un maneho di e cuater areanan en cuestion.

 

LEAVE A REPLY

Please enter your comment!
Please enter your name here