Riba diabierna 17 di september 2021 na Cas Ceremonial di Gobernador a tuma luga huramentacion di e ocho miembronan nobo di Parlamento. Nan ta remplasa e ocho miembronan di Parlamento cu lo ocupa un puesto di Minister.

E miembronan nobo di Parlamento ta e siguiente personanan:

Alvin S.C. Molina

Shailiny M. Tromp-Lee

Juan E. Thijsen

Louisette J. Christiaans-Yarzagaray

Darlaine B. Guedez-Erasmus

Marco A. Berlis

Raymicheline M.J. Raymond

Raymond A. Kamperveen

Despues di un introduccion cortico di e Director Interino di Gabinete di Gobernador, a yama tur miembro di Parlamento dilanti un pa un, unda cu den presencia di Gobernador Interino, Su Excelencia Yvonne Laclé-

Dirksz nan a huramenta of haci promesa. E obligacion di e miembronan di Parlamento pa huramenta of haci promesa prome cu acepta nan puesto, ta regla den articulo III.11 di e Constitucion di Aruba.

Potret: © Kabinet Gouverneur Aruba

LEAVE A REPLY

Please enter your comment!
Please enter your name here