sticker impuesto.jpg

16 di december por cuminsa paga impuesto di vehiculo di motor pa 2016. Departamento di impuesto a tene un conferencia di prensa awe mainta informando con e pago di impuesto lo tuma luga pa 2016. Ultimo informacionnan cu a sali den medionan di comunicacion ta cu e lo cuminsa wordo cobra den gasolin, esaki a lanta hopi discusion y preocupacion den comunidad. Vocero di departamento di impuesto Meverly Romano a informa cu e no ta bay wordo cobra asina mas, sino lo haci uzo di un sticker cu mester wordo pega riba windshield parti paden na banda drechi segun decreto di minister di financia. E sticker mester ta visibel pa polis y den caso cu tin tint mester kita esaki. 

Tambe Sr. Romano a bisa cu e sticker lo yuda identifica e doño di auto y lo yuda fungi como medio visual di control pa polis. Henter aña 2016 tur hende por core cu plachi di number di 2015 y prijs di e sticker ta 6 florin. Ehempel: Antes bo tabata paga 300 florin (motorrijtuigbelasting) mas 12 florin (nummerplat) y 8 florin (controleplat) cu ta yega e suma di 320 florin, awo bo ta bay paga 300 florin (motorrijtuiggbelasting) mas 6 florin (sticker) cu ta yega e suma di 306 florin. Stickernan rondo ta pa tur A auto y stickernan cuadra ta pa e resto di autonan manera di compania/ Dienstauto/ Taxi, Bus entre otro. Sticker oranje ta representa pagonan den cuartal y sticker berde ta representa paga completo. Tur motocicleta (MFA / MFV) lsi lo haya plachi di number nobo entrante januari y nan lo wordo avisa pa bay busca esaki. 

LEAVE A REPLY

Please enter your comment!
Please enter your name here