Un rato pasa a drenta informacion di un fuente digno di confiansa cu tur indicacion ta mustra cu a suspende Minister Paul Croes kende ta wordo sospecha di corupcion y ultimo aki hasta di traficacion di hende.
Segun e fuente ta splica cu e suspension lo a bin di un peticion di e propio mandatario pa asina duna espacio na e investigacion. Locual cu no ta duidelijk ainda ta pa cuanto tempo e suspension aki lo ta valido y si esaki ta bay sin pago.
Bon Dia Aruba a tuma contacto cu lider di fraccion di AVP sr. Marlon Sneek cu a duna di conoce cu no sa di nada of no a tende di nada oficial ainda. Esaki ta algo cu no ta concerni Ministerio Publico, segun nan ta informa nos, e no ta na nan pa informa nos riba esey y referi nos na Bestuurscollege. Mientras tanto ta tumando contacto cu minister Bermudez kende a keda encarga cu e cartera(nan) di Croes durante su ausencia.
Lo sigui busca informacion y lo update esaki durante di oranan nos dilanti.
