Infidelidad Virtual

¿Na ki momento mantene contacto virtual cu un persona ta bira gañamento digital?

Desde cu telefonnan a cuminsa bira un parti importante di cada persona y tecnologia ta avansa, e relacionnan entre parehanan a haya mas dificultad pa motibo di e creacion di rednan social na unda cu a bin cambia hopi cos den e sociedad, incluyendo e nocion cu hopi tin riba infidelidad.

Tradicionalmente tabatin mester un relacion fisico entre un persona infiel y su pareha romantico, den pasado nan tabata intercambia mirada, sonrisa y algun nota di amor, awe e gestonan aki a wordo reemplasa pa un “like”, mensahe directo of hasta potretnan cu ta disparce den par di seconde.

Infidelidad virtual ta sucede ora personanan ta haci uso di nan e-mail of rednan social pa desaroya vinculonan romantico y emocional cu otro persona cu no ta su pareha, debi cu no tin contacto fisico involucra, hopi participantenan di infidelidad digital ta wordo involucra den un aventura online prome cu nan ta ripara kico nan ta haciendo.

Segun expertonan, hopi hende ta di acuerdo cu un relacion extra ta un gañamento, sinembargo, den acuerdo aki ta restringi e contacto personal y fantasianan sexual di tur dimension ta bin dilanti.

Den un encuesta cu a wordo haci pa un website di infidelidad di Ashley Madison, a revela cu den mundo moderno tin un variedad grandi di comportamento cu ta constitui un gañamento.

55% di e persona cu a haci e encuesta a sigura cu un conexion emocional ta wordo considera mas infidelidad cu e acto sexual mes, 40% di nan a bisa cu manda potretnan intimo pa un otro persona cu no ta su pareha ta constitui gañamento, y un number casi igual a reconoce cu manda mensahenan di texto tambe ta un forma di infidelidad.

Ora ta duna un “like” den e publicacion di bo ex-pareha, papia cu un compañero di trabou, lubida di cera e profile di Tinder of seduci un persona di manera virtual sin cu nada lo sigui pasa, pa hopi hende ta considera diferente forma di infidelidad.

E era digital aki ta trece un serie di conducta cu ta posibel cu e persona mes no ta ripara cu su accion lo por wordo considera como infidelidad.

Un studio realisa pa investigadonan di Universidad di Indiana na Merca a descubri cu usuarionan di Facebook frecuentemente ta usa e red social aki pa mantene contacto cu nan ex-pareha of amigonan cu e cual nan sa cu nan por conecta romanticamente si nan relacionnan actual no lo existi mas na futuro.

Di mesun manera, nan a trece dilanti cu e mita di hende muhe ta mantene contacto cu “un persona di respaldo” cu e cual nan por papia si nan pareha actual no ta funciona.

Den algun nivel, “gañamento digital of infidelidad virtual” ta un concepto so hopi antiguo den un escenario nobo y moderno, e personanan den nan relacion semper a haya problemanan segun loke investigadonan di Indianan a indica y infidelidad emocional ta un especie di asunto destructivo cu no a wordo cumpli, el a keda den algun bar of na algun oficina hopi prome cu rednan social a haci nan aparicion, te cierto punto, Internet a haci e cosnan mas visibel y miho documenta.

E forsa di un relacion ta basa den tres punto: den termino general cu e satisfaccion, inversion emocional y disponibilidad di socionan alternativo, e investigacion aki ta sugeri cu loke e rednan social ta priminti ta un recordatorio constante y informal cu ta existi alternativanan.

Ta existi señalnan clasico pa e cual e protagonistanan di e historia ta wordo descubri, por ehemplo pasa hopi tempo “den linea”, hari ora e persona ta ricibi un mensahe sin duna mas detaye y delete e mensahenan of historial di buskeda.

Por lo general e comportamento ta cambia a medida cu e situacionnan ta keda den secreto y ta necesario pa bisa algun mentira chikito, alehamento di e bida familiar tambe por sucede of bay drumi mas laat di e ora normal.

Pero, ¿con mi por reacciona na e momento ey?, por bisa cu esaki no ta un infidelidad di berdad ya cu no ta existi contacto fisico of sexual, pero sinembargo, si ta importante vooral pa esunnan cu ta sinti dolor pa loke e persona a wordo descubri y pa loke e ta sinti, p’esey ta necesario habri comunicacion entre pareha y bisa e berdad di loke a pasa, ta fundamental pa busca kico ta e causa cu a conduci un persona pa busca otro riba rednan social y asina ofrece algo di erotismo, importante ta pa tene na cuenta e consecuencianan di molestia cu esey por trece pa e pareha.