(AP) – E oficina na Europa di World Health Organization su proyeccion ta mustra cu su region di 53 pais posiblemente lo enfrenta 700,000 morto adicional den e pandemia di coronavirus pa otro aña, yegando na un total di 2 miyon morto.

World Health ORganization Europe, cual ta basa na copenhagen, Dinamarca, tambe a cita evidencia cu ta keda crece comprobando cu e proteccion ta bahando contra infeccion y malesa leve pa medio di vacuna, y a bisa “un dosis extra” mester ser duna como prioridad na e poblacionnan mas vulnerabel, incluyendo hende cu sistema inmunologico debilita, personanan riba di 60 aña di edad y esunnan cu ta traha den cuido di salud.

E Nacionnan Uni su agencia di salud su sucursal internacional na Geneva, a haci varios yamado pa un moratorio tocante e uso di e dosisnan extra te cu fin di aña pa e dosis nan aki pro ser haci disponibel na e paisnan di baho recurso cu a enfrenta un escasez grandi di vacuna di COVID-19 compara cu e demas paisnan.

World Health Organization Europe a haci yamada na hendenan pa ricibi nan vacuna, respeta hygiena y practica distanciamento social pa yuda combati e brote di e virus.

“Awe, e situacion di COVID-19 den Europa y Asia Central ta hopi serio. Nos ta enfrenta un temporada di desafio, pero nos no mester cana sin speransa, pa motibo cu nos tur, gobierno, autoridadnan di salud, tur individual, por tuma accion pa stabilisa e pandemia aki,” Dr. Kluge, e director regional di World Health Organization Europe a bisa den un declaracion.

E region Europeo, cual ta cubri Asia Central a reporta cu e mortonan causa pa COVID-19 a aumenta te cu casi 4,200 pa dia siman pasa, dobbel di e cifra cu a mira den final di september. Mortonan cumulativo aworaki a yega na 1.5 miyon den e region.

E 3 factornan motivando e aumento aki ta e dariante delta di e virus, e hecho cu a relaha e medidanan manera uso di tapaboca y distanciamento fisico den establecimentonan, y e poblacion grandi Europeo cu te ainda no ta vacuna, World Health Organization Europe a declara.

LEAVE A REPLY

Please enter your comment!
Please enter your name here