Inspectornan di Ministerio di Salud a dicidi pa haci un investigacion adicional over di e morto di Adrienne Cullen di nacionalidad Irlandes , cu a fayece di cancer cervical na fin di aña pasa, despues di dos diagnostico malo.
E inspeccion a skirbi e casa Peter Cluskey informando su persona cu nan a dicidi di investiga mas e caso cu un enfoke riba medidanan di mehoracion pa determina e riesgo pa e mesun cos no bolbe sosode. E investigacion lo tuma luga den proximo dos luna. Na mei, e funcionarionan di e hospital universitario UMC a nenga di bisa cu nan tabata mirando e resultadonan di prueba di cancer cervical di otro muhenan despues cu un diagnostico a faya na 2011 y a causa cu Cullen a muri di e enfermedad. Segun e informe oficial tocante e incidente, un prueba no tabata diagnostica segun un standard profesional.
Un di dos biopsia tuma na UMC Utrecht na 2011 ta mustra mas signo di cancer, cu tabata perdi durante dos aña. Ora cu e resultado di e biopsia a sali na cla na 2013, un enfermedad cu tabata tratabel na 90%-95%, a converti den un sentencia di morto. Hospital universitario ya a admiti responsabilidad pa negligencia medico, y a haci un pago record di compensacion di 545.000 euro na Cullen, prome cu el a fayece.
Peter Cluskey a bisa DutchNews.nl cu e ta duna bonbini na e investigacion pa motibo cu e informe inicial tocante e problemanan, a ser realisa potencialmente pa e propio hospital. E patologo cu a haci e diognostico kiboca a retira for di e dia ey di servicio completo, a pesar cu e cancer a wordo detecta pa 11 experto na diferente hospitalnan Hulandes, el a bisa.
“Mi ta kere cu ta responsabilidad di UMC Utrecht, pa no ta mas sincero riba con nan ta check otro testnan di pashentnan”, el a bisa. E silencio ey ta totalmente den linea cu e maneho autoritario di hospital pa no comparti informacion di hospital. Mi ta spera cu inspeccion por proporciona mas claridad.
