Casi 21 persona a fayece pa motibo di inundacion na e capital di Indonesia, Jakarta, despues di e awasero di mas intenso den casi 24 aña.

Agencia di meteorologia, climatologia y geofisica (BMKG) a midi 377mm di awasero den un dia na aeropuerto di Jakarta. Esey ta cantidad di awa mas grandi cu a cay den un solo dia for di 1996 cu a cuminsa cu e registro di agencia.

“E awasero a cuminsa cay na bispo di aña nobo, no ta un awasero normal”, segun e agencia. E agencia a bisa cu intensidad di awasero ta bin despues di varios factor, manera un gran cantidad di vapor di awa den aire.

Tin casi 62.000 persona cu a evacua pafo di e ciudad. Algun persona a pasa anochi riba dak di nan edificio wardando pa team di rescate. Ta spera cu awasero fuerte lo sigui te cu fin di siman.

E awasero intenso a cuminsa na bispo di aña nobo y a sigui durante anochi, lagando varios parti di e ciudad bou awa y ocasionando derumbe banda di seronan. Algun victima tabata den edad di 8 pa 82 aña. Algun a muri pa hipotermia, otro a hoga of a ser lastra pa tera. Un mucha di 16 aña a muri electrocuta.

A desconecta electricidad na varios districto Yakarta como medida di precaucion y algun linea di trein tambe ta cera. Riba Twitter, presidente Joko Widodo a culpa e atraso di un proyecto di infrastructura di control di inundacion pa e gravedad di e daño.

Jakarta ta un di e ciudadnan cu ta sink mas lihe na mundo. Expertonan ta bisa cu e por ta sumergi pa aña 2050.

LEAVE A REPLY

Please enter your comment!
Please enter your name here