facebook study 004.jpg

ORANJESTAD – Diabierna atardi den aula di Universidad di Aruba, Robert Anjie a tene presentacion y a duna resultado di investigacion cu el a haci cu ayudo di Expandeer.com. E investigacion tabata tocante di comportacion di miembronan di Facebook riba mercadeo di compania.

Pa algun luna Sr. Anjie a tene un investigacion unda cu ta mira e relacion entre “likes” di Facebook su paginanan di negoshi y intencion di compra di e consumidor Arubiano. E meta di e estudio ta pa provee un bista pa empresanan local di ki nivel y ki factor di nan pagina di Facebook ta hunga un rol den e decision pa nan ‘fanatico’ cumpra algo. Sr. Anjie a splica cu e dialuna despues cu el a finalisa cu su tesis na Universidad di Aruba el a sinta pensa kico e ta bay haci cu su bida. El a pensa riba unda tur e lo por aplica pa trabou y con e mercado ta bay pa personanan cu termina cu nan estudio di marketing. E ora ta ora cu el a tuma e decision di kico e kier haci. El a splica cu e semper tabata interesa den marketing pero mas riba e parti di “branding” satisfaccion di cliente, percepcion di imagen di compania entre otro. “Eynan mi a tuma nota cu companianan no ta dedica hopi atencion na haci investigacion di esakinan.”  Prome cu a haci e investigacion a pensa di ki angulo ta bay haci esaki, medio social tabata un di e opcionnan. Den e investigacion a enfoca riba e experiencia di e cliente. Cu e investigacion cada compania por haya sa cua ta e miho opcion pa acerca e cliente pa optimalisa nan experiencia.

E pregunta clave cu a wordo haci ta di Medio social y actividad di negoshi ta afecta e intencion di compra aki na Aruba. Cu intencion di compra kiermen e probabilidad cu un hende ta bay cumpra bo producto. Pa e investigacion a enfoca riba consumo di electronico aki na Aruba. A midi 4 Engagement, Brand Awareness, Annoyance y Commitment. Bou di Engagement a tene cuenta cu si hende ta bishita e pagina di e compania regularmente, si nan ta like, comment of share un publicacion di e compania entre otro. Pa conocemento di e marca a wak si hendenan ta reconoce of sa di marcanan cu un negoshi ta carga, y si nan ta diferencia diferente tienda pa e marcanan cu nan ta carga. Bou di annoyance a mira e situacion di ki ora hopi propaganda riba Facebook ta bira mucho hopi. “Nos sa esaki? of nos ta djis spam tur hende cu nos promocionnan.” Finalmente commitment, ta si e personanan ta comunica cu otro cu ta like paginanan similar entre otro. “Tambe nos tabata kier wak si tabatin diferente comportacion bou di e ser masculino y femenino y tambe bou di diferente grupo di edad.

71% di tur adulto na Merca tin un cuenta di Facebook, compara cu aña 2013, esaki tabata 64% y na 2014 tambe e tabata 71%, Sr. Anjie a splica. “Por ripara cu kisas no tabatin mas aumento di hende cu ta forma parti di Facebook, pero si cu hende ta mas comprometi na nan pagina. Aruba tin mas o menos 107 mil habitante y manera cu por mira na 2014 e cantidad di usuarionan di Facebook tabata na 66 mil y 77 mil e aña aki.” Mester tene cuenta cu e investigacion aki a wordo haci na final di december te cu februari pues por tin cambio den e cifranan aworaki.“Nos a haci un encuesta online hunto cu Expandeer y nos a target e personanan exacto cu tabata mester pa e investigacion aki. Hendenan cu a like un pagina relaciona cu productonan electronico. E populacion na Aruba cu a like paginanan di Facebook relaciona cu productonan electronico ta 39600. Total 645 persona a haci e encuesta. Y Tin hopi informacion cu a wordo colecta for di e estudio aki, Sr. Anjie a enfatisa.  Y un conclusion cu a yega na dje basa riba informacion colecta, ta cu hopi hende ta haya hopi post di propaganda di companianan cu ta aparece den nan feed fastioso. Sinembargo e no ta influencia nan intencion di compra.

Full e estudio aki ta obtenibel na Expandeer.

LEAVE A REPLY

Please enter your comment!
Please enter your name here