FILE - In this Monday, Feb 3, 2020, file photo, Iranian Foreign Minister Mohammad Javad Zarif, right, and European Union foreign policy chief Josep Borrell, shake hands for journalists prior to their meeting, in Tehran, Iran. Now that Britain has left the bloc, the EU hopes to find more time concentrate on its foreign policy. (AP Photo/Ebrahim Noroozi, File)

Asesinato di un general top Irani na man di Merca tabata un mal calculacion cu tin e efecto di aumenta sosten pa Irak y retiro di tropanan Mericano, un meta di Tehran pa largo, segun minister di Exterior di Iran a bisa ayera.

Merca a asesina general Qassem Soleimani den un atake cu drone dia 3 di januari, mientras e comandante di Quds Force di Iran tabata bandonando aeropuerto di Iran, bisando cu e tabata planeando atake riba Mericanonan.

Papiando cu un grupo di reportero na banda di Conferencia di Siguridad di Munich, ministerio di Exterior Irani, Javad Zarif a bisa cu ‘Merca a calcula malo’, notando cu desde e asesinato, miles di Iraki a subi caya pa protesta presencia di tropanan stranhero den e pais.

Inmediatamente despues di e atake, den cual comandante di milicia Iraki, Abu Mahdi al-Muhandis tambe a perde su bida, un grupo di legislado tambe a pasa un resolucion no obligatorio pa retira tropa Mericano, y desde e tempo ey, e asunto di tropa Mericano a monopolisa politica Iraki. “Martir Soleimani ta hopi mas efectivo cu general Soleimani”, Zarif a bisa.

Ta spera cu Zarif lo reuni cu minister di Exterior Aleman, Heiko Maas pa papia riba esfuersonan Europeo pa preserva e acuerdo nuclear cu Iran. E acuerdo ta provee Iran cu incentivonan economico a cambio di limite riba su programa nuclear den un esfuerso pa preveni esaki di obtene un bom nuclear – algo cu Iran ta insisti no ta planeando. Desde cu presidente Mericano Donald Trump a retira Washington unilateralmente for di e acuerdo na 2018 y a impone sancion, economia di Iran ta pasando den problema.

Den un esfuerso pa presiona e otro firmantenan di e acuerdo – Alemania, Francia, Reino Uni, Rusia y China – pa duna incentivo economico pa compensa sancion Mericano, Iran poco poco ta violando e restriccionnan di e acuerdo riba su programa nuclear.

Merca ta presionando otro miembronan pa retira, pero Maas a bisa cu Alemania a rechasa e tactica Mericano di ‘presion maximo’ riba Iran.